हावाहुरीका कारण उडान प्रभावित, आठ विमान ‘डाइभर्ट’
अन्तर्राष्ट्रियतर्फका विमानहरु केहीबेर आकाशमै फन्को मारेर अवतरण गरेका छन् ।
काठमाडौँ । हावाहुरीका कारण त्रिभुवन अन्तरराष्ट्रिय विमानस्थलको आन्तरिक उडान पूर्ण रुपमा प्रभावित भएको छभने अन्तर्राष्ट्रियतर्फका विमानहरु केहीबेर आकाशमै फन्को मारेर अवतरण गरेका छन् ।
विमानस्थलका प्रवक्ता रिञ्जी शेर्पाका अनुसार आन्तरिकतर्फ विभिन्न एयरलाइन्सका आठ विमान ‘डाइभर्ट’ भएका छन् । “अहिले आन्तरिक उडान प्रभावित भएको छ । पूर्वबाट काठमाडौँ आएका विमान पूर्वतिरै डाइभर्ट भएका छन् । काठमाडौँबाट पश्चिमतर्फ उडेका विमान काठमाडौँनै डाइभर्ट भएका छन”, प्रवक्ता शेर्पाले भने ।
उनकन अनुसार चन्द्रगढी, विराटनगर, जनकपुर, भैरहवा, नेपालगञ्ज, धनगढी, सुर्खेतलगायत स्थानबाट उडेका विमान डाइभर्ट भएका हुन् । श्री एयरलाइन्सको विराटनगरबाट काठमाडौँ उडेको विमान विराटनगरै फर्किएको छ । यती एयरलाइन्सको विराटनगर–काठमाडौँ उडानका दुई विमान डाइभर्ट भएका छन् । भद्रपुरबाट काठमाडौँका लागि उडेको बुद्ध एयरको विमान भद्रपुर नै फर्किएको छ । बुद्ध एयरको काठमाडौँबाट सुर्खेत उडेको विमान हावाहुरीका कारण काठमाडौँ नै फर्किएको छ ।
त्यसैगरी काठमाडौँबाट धनगढी उडेको श्री एयरलाइन्सको विमान काठमाडौँ नै फर्किएको छ । श्री एयरलाइन्सकै काठमाडौँ भैरहवा उडानको विमान पनि काठमाडौँ फर्किएको छ । सोही एयरलाइन्सको काठमाडौँबाट सुर्खेत र भैरहवा उडेका दुवै विमान काठमाडौँ फर्किएका छन् । बुद्ध एयरको काठमाडौँ–नेपालगञ्ज उडानको विमान पनि काठमाडौँ फर्किएको छ । काठमाडौँमा आज अपरान्हदेखि मौसम बदली भई हावाहुरीसहित वर्षा भएको छ ।
अविरल बर्षासँगै आएको हावाहुरीको कारण १८ लाखको क्षति
हावाहुरीको कारण जिल्लाको विभिन्न स्थानहरुमा रहेका विद्यालयको छानो, घरको छानो तथा घर हरु उडाउँदा उक्त क्षति भएको जिल्ला प्रहरी कार्यालय ले जनाएको छ । शुक्रबार, जेठ २, २०८२
संक्रमणकालीन न्यायसंग सम्बन्धीत आयोगको पदाधिकारी नियुक्तिप्रति द्वन्द पीडितको आपत्ति
द्वन्द पीडित समुदायले सत्य, न्याय र परिपूरणको अधिकारको सम्मानजनक प्रचलनका लागि हुने आफुहरुको आन्दोलनमा साथ दिन मानवअधिकार संस्था, जनप्रतिनिधि तथा अन्तराष्ट्रिय समूदायसंग अपिल पनि गरेका छन् । शुक्रबार, जेठ २, २०८२
भोजपुरमा पाँच सय हेक्टरमा अकबरे खुर्सानीखेती, ३० देखि ३५ करोड भित्र्याउने लक्ष्य
व्यावसायिक अकबरे (डल्ले) खुर्सानीखेती पौवादुङमाका किसान आकर्षित भएका छन् । अन्य बालीको तुलनामा खुर्सानीखेतीबाट राम्रो आम्दानी हुने भएपछि यहाँका अधिकांश किसान व्यावसायिक खेतीमा जुटेका हुन् । शुक्रबार, जेठ २, २०८२भर्खरै
- सिंहरबारभित्रै बत्ति गएपछि मोबाइल बालेर चलाइयो शिक्षा उपसमितिको बैठक
- रविलाई थाहै नदिई पेसी तोकिएको स्वीकार्दै उच्च अदालतले भन्याे- 'तत्काल जानकारी दिनु'
- जापानले नेपाललाई थप ५७ करोड ३० लाख येन अनुदान उपलब्ध गराउने
- हावाहुरीका कारण उडान प्रभावित, आठ विमान ‘डाइभर्ट’
- थुनामुक्त भएपछि रविन्द्रले भने, ‘राजसंस्था पुनस्थापनाको लागि काम गरेकै हुँ, राज्यविरुद्धको कसुर गरेको छैन’
- रविन्द्र मिश्रलाई थुनामुक्त गर्न सर्वोच्चको आदेश
- न्यायाधीशसामु रविन्द्र मिश्रले भने, ‘मलाई हिरासतमा राखेर के मेरो छाती चिरेर मुटु हेर्नु हुन्छ ?’
- सरकारका नीतिका कारण उद्योग व्यापार तंग्रिन सकेनः व्यवसायी
