मुख्य समाचार

जुम्लाबाट स्याउ ल्याउँदा प्रहरीले ठाउँ–ठाउँमा सय रुपैयाँ घुस मागे: ज्ञानेन्द्र शाही

सिधाकुरा

बुधबार, भदौ १८, २०८२

जुम्लाबाट स्याउ ल्याउँदा प्रहरीले ठाउँ–ठाउँमा सय रुपैयाँ घुस मागे: ज्ञानेन्द्र शाही

File Photo

काठमाडौँ । राष्ट्रिय प्रजातन्त्र पार्टी (रप्रपा) का सांसद ज्ञानेन्द्र बहादुर शाहीले जुम्लाबाट स्याउ ल्याउँदा प्रहरीले ठाउँ ठाउँमा चेक गरेर हैरानी दिएको आरोप लगाएका छन् । प्रतिनिधसभा बैठकमा बोल्दै उनले प्रहरीले सय रुपैयाँका दरले घुस खाने गरेको समेत आरोप लगाएका छन् ।

‘गृहमन्त्री ज्यूलाई भन्न चाहन्छु, जुम्लाबाट स्याउ ल्याएको हो । अफिम होइन । ठाउँमा–ठाउँमा चेक गरेर प्रहरीले सय रुपैयाँसम्म घुस मागेको छ ।’

उनले स्याउका गाडीलाई चेकिङ नगर्न माग गरे । ‘यो संसदबाट भन्न चाहन्छु, स्याउ ल्याएको हो । स्याउका गाडी कतैपनि चेक नगरियोस् ।’

त्यस्तै उनले जुम्लाको स्याउका रसिलो, अगार्ननिक भएकोले विदेशी स्याउ आयातमा रोक लगाउन कृषिमन्त्रीसँग माग गरे । उनले स्याउ रसिलो भएपनि भित्र निकै पीडा लुकेको बताए । उनले जुम्लाबाट आउने बाटो ४ दिनदेखि बन्द रहेकोबारे भौतिक पूर्वाधारमन्त्रीको ध्यानाकर्षण गराए ।

उनले भने, ‘सडक डिभिजन कार्यालयका एउटा डोजरले टुक्क टुक्क कोदोमा कुटो हानेजसरी त्यो सडक हानिएको छ । सडक खोल्न मुस्किल परेको छ । हिजो धौ धौ गरी खोलियो, फेरि हिजो राति पहिरो आयो । अब कैले फेरि पहिरो आउने हो ।’

बर्खाको समयमा बाटो खोल्नको लागि उपकरण राखिदिन उनले माग गरे ।

प्रकाशित मिति: बुधबार, भदौ १८, २०८२

प्रतिक्रिया दिनुहोस्