समाज

समृद्ध नेपाल निर्माणमा जुट्न गोल्यान ग्रुपको आह्वान

सिधाकुरा

सोमबार, भदौ ३०, २०८२

समृद्ध नेपाल निर्माणमा जुट्न गोल्यान ग्रुपको आह्वान

काठमाडौँ । व्यापारिक घराना गोल्यान ग्रुपले विगतलाई सम्मान गर्दै भावी पुस्ताका लागि सुन्दर र समृद्ध नेपाल निर्माणमा जुट्न आह्वान गरेको छ । गत साता भएको जेन–जी संघर्षको सन्दर्भमा उसले यसका लागि प्रत्येक संस्था, व्यापारिक प्रतिष्ठान र हरेक व्यक्ति एकजुट हुनुपर्ने बताएको छ । ‘अबको यात्रामा साहस, सहकार्य र अटल प्रतिवद्धताको आवश्यकता छ’ आइतबार उसले आफ्नो फेसबुक पेजमार्फत भनेको छ, ‘सबल र समृद्ध राष्ट्र निर्माणका लागि हामी सँगसँगै छौं ।’

Watch On

गोल्यानले संघर्षबाट आशा र उज्यालो भविष्यप्रति अटल विश्वासले भरिपूर्ण नयाँ पुस्ताको उदय भएको जनाएको छ । ‘यो एक नयाँ सुरुवात हो, जसले बलिदानलाई सम्मान र न्यायलाई समर्थन गर्दछ अनि हामी सबैलाई प्रगति तथा समृद्धितर्फ डोर्याउँदछ,’ उसले भनेको छ ।

पहिलो महिला प्रधानमन्त्रीकोे रुपमा सुशीला कार्कीको नियुक्तिलाई उसले इतिहासको एक नयाँ अध्याय भनेको छ । ‘हाम्रो राष्ट्रको भविष्य अब विगतमा सीमित छैन भन्ने गहन घोषणा पनि हो,’ उसको भनाइ छ । यस क्षणमा पुग्नका लागि राष्ट्रले ठूलो मूल्य चुकाएको र परिवर्तनका लागि सहादत प्राप्न गर्ने सबैको सपनाप्रति दृढ संकल्पित हुनुपर्ने उसले जनाएको छ ।

प्रकाशित मिति: सोमबार, भदौ ३०, २०८२

प्रतिक्रिया दिनुहोस्