गुप्ताको दाबी- प्रतिष्ठानमा रहँदा कुनै गल्ती गरेको छैन

काठमाडौँ । औद्योगिक व्यवसाय विकास प्रतिष्ठानका पूर्वकार्यकारी निर्देशक उमेशकुमार गुप्ताले आफू प्रतिष्ठानमा रहँदा कुनै गल्ती नगरेको दाबी गरेका छन् । 

Watch On

सिधाकुरामा असोज १४ गते बुधबार 'सरकारी कर्जा दुरुपयोगको आरोप लागेका उमेश गुप्ता फेरि औद्योगिक प्रष्ठिानको कार्यकारी निर्देशकमा सिफारिस शीर्षक'मा प्रकाशित समाचारको खण्डन गर्दै उक्त समाचार सामग्रीमा आफ्नो ध्यानाकर्षण भएको बताएका हुन् । 

गुप्ताले स्टार्टअप उद्यम कर्जा संचालन कार्यविधिमा व्यवस्था भए बमोजिम मूल्यांकन समितिले मूल्यांकन गरी नाम सिफारिस गर्दा कर्जा प्रवाह गर्ने बैंकले तीनपुस्ते जाँचगर्ने, स्थलगत निरीक्षण गर्ने तथा ब्ल्याकलिस्ट भए नभएको जाँच गरी मात्र बैंकद्वारा कर्जा प्रवाह हुने भएकाले कर्जा दुरूपयोगमा आफ्नो संलग्नता नरहेको बताएका छन् । 

त्यसैगरी आफू तत्कालीन प्रधानमन्त्री पुष्पकमल दाहालको कार्यकालमा छनौटको सबै प्रक्रिया पूरा गरेर कार्यकारी निर्देशक नियुक्त भएको र २०८० मंसिरमा नियुक्त भई २०८३ वैशाखसम्म उत्कृष्ट काम गरेको समेत बताएका छन् । आफूले कर्जा दुरूपयोग गरेको विषयमा प्रतिष्ठानका कुनै कर्मचारीले मन्त्रालयमा निवेदन नदिएको समेत गुप्ताले दाबी गरेका छन् । 

पछिल्लो प्रक्रियामा पनि आफू विधिसम्मत नै सहभागी भएको र त्यसमा कोही कसैसँग निकटता नरहेको समेत गुप्ताले स्पष्ट पारेका छन् ।

*यसअघि प्रकाशित समाचारमा केही तथ्य फरक परेकाले सच्याइएको छ।- सम्पादक