सबै कुरा

एनआरएन पुरीले लिए कर्णाली प्रदेशमै पहिलो नेपाली नागरिकता

सिधाकुरा

बुधबार, मंसिर ६, २०८०

एनआरएन पुरीले लिए कर्णाली प्रदेशमै पहिलो नेपाली नागरिकता

सुर्खेत : कर्णाली प्रदेशमै पहिलो पटक जिल्ला प्रशासन कार्यालय सुर्खेतले गैरआवासीय नेपालीलाई नागरिकता प्रदान गरेको छ । वीरेन्द्रनगर नगरपालिका वडा नं–१० घर भई हाल अष्ट्रेलिया बस्दै आएका संजय पुरीलाई सुर्खेत प्रमुख जिल्ला अधिकारी नारायण प्रसाद सापकोटाले पहिलोपटक गैर आवासीय नागरिकता प्रदान गरेका हुन् ।

Watch On

प्रमुख जिल्ला अधिकारीले हस्ताक्षर गरेको गैरआवासीय नागरिकतालाई प्रजिअ सापकोटालेनै हस्तान्तरण गरेका छन् । कर्णाली प्रदेशमै पहिलो पटक जिल्ला प्रशासन कार्यालय सुर्खेतवाट गैर आवासीय नागरिकता लिएका पुरीले लामो समयपछिको गैरआवासिय नेपालीको प्रतिक्षा र नेपालको संविधानले दिएको अधिकार उपयोग गर्दै एनआरएन नागरिकता लिएको बताए ।

उनले आवश्यक सहयोग र सहजिकरणका निम्ति जिल्ला प्रशासन कार्यालय सुर्खेत प्रति आभार व्यक्त गदै अबका दिनमा कर्णालीमा घर भई विभिन्न देशमा रहेका गैरआवासीय नागरिकलाई नागरिकता लिन सहज हुने बताए ।

पहिलो पटक नागरिकता लिँदा सरकारले बनाएको नागरिकता ऐन र नियमावली अनुसारको कागजात जिल्लागत रुपमा तयार गर्न केही समस्या देखा परेपनि अबका दिनमा सहजता हुने पुरीले बताए ।

प्रकाशित मिति: बुधबार, मंसिर ६, २०८०

प्रतिक्रिया दिनुहोस्