नेभिगेशन
समाज

चाडपर्व मनाउन काठमाडौँबाट पाँच दिनमा एक लाख ८९ हजार यात्रु बाहिरिए

काठमाडौँ । मुलुकको सङ्घीय राजधानी काठमाडौँबाट चाडपर्व मनाउनका लागि पछिल्लो पाँच दिनमा एक लाख ८९ हजार २१८ यात्रु बाहिरिएका छन् । काठमाडौँ उपत्यका ट्राफिक प्रहरी कार्यालयका अनुसार असोज १ गतेदेखि ५ गतेसम्म २९ हजार ३६० सार्वजनिक यातायातमा एक लाख ८९ हजार २१८ यात्रु उपत्यकाबाट बाहिरिएका हुन् ।

Watch On

Facebook Tiktok Youtube Instagram Twitter

कार्यालयका प्रहरी नायब उपरीक्षक लोकेन्द्रसिंह गुरुले देशका विभिन्न क्षेत्रबाट काठमाडौँ उपत्यकामा अध्ययन, व्यापार व्यवसाय, रोजगारीको लागि आएकाहरू दसैँ मनाउन घर जान थालेको जानकारी दिए । उनका अनुसार थानकोट, साँगा, दक्षिणकाली र बालाजु नाकाबाट ती यात्रुहरू गन्तव्यस्थलमा गएका हुन् ।

Ncell
Extreme Energy

कार्यालयका अनुसार असोज १ गते ३४ हजार ५५६, असोज २  गते ३६ हजार १००, असोज ३ गते ४० हजार ५५५, असोज ४ गते ३४ हजार ८७९ र असोज ५ गते ४३ हजार १२४ यात्रु उपत्यकाबाट बाहिरिएका हुन् ।

यस वर्ष सडकको दूरावस्थाका कारण यात्रुहरूलाई आवतजावतमा समस्या परेको छ । नेपाल यातायात व्यवसायी राष्ट्रिय महासङ्घका महासचिव डेकनाथ गौतमले बर्सातका कारण राजमार्गमा पहिरो जाँदा सवारीसाधनलाई आवतजावतमा समस्या परेको बताए ।

महासचिव गौतमले भने, “मुग्लिङ–नारायणघाट सडकखण्डमा पहिरो जाँदा घन्टौँसम्म बस बाटोमा रोकिएका छन्, जसका कारण समयमै काठमाडौँमा बस नआउँदा यात्रुलाई गन्तव्यस्थलसम्म पठाउन समस्या भएको छ”, । अवरुद्ध राजमार्ग समयमै सञ्चालन गर्न उनले सरकारलाई आग्रह गरेका छन् ।

पछिल्ला दिनमा काठमाडौँ गोङ्गबुस्थित राष्ट्रिय बसपार्क नयाँबसपार्कमा समेत दसैँमा घर जाने यात्रुको चाप बढ्न थालेको छ । नयाँबसपार्क सञ्चालन गरेको लोत्से बहुउद्देश्यीय प्रालिका मानव संशाधन प्रमुख पङ्कज मल्लले अन्य समयको तुलनामा नयाँ बसपार्कबाट घर जाने यात्रुको सङ्ख्या बढेको छ । उनका अनुसार अन्य समय चार पाँच हजार हाराहारीमा यात्रु नयाँबसपार्कबाट बाहिरिने गरेकोमा अहिले उक्त सङ्ख्या बढेर दैनिक १५ हजारभन्दा बढी पुगेको छ ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
‘३० दिन भयो, अझै घर छैन’ भन्दै सुकुमबासीको प्रदर्शन(तस्बिरहरु)

‘३० दिन भयो, अझै घर छैन’ भन्दै सुकुमबासीको प्रदर्शन(तस्बिरहरु)

आफूहरु बेघर भएको ३० दिन बित्दा पनि बासको व्यवस्था नभएको भन्दै उनीहरुले प्रदर्शन गरेका हुन्।
कार्यविधि विपरित व्यक्तिको सुरक्षामा खटिएका सुरक्षाकर्मीलाई जनताको सेवामा परिचालन गरौंः सांसद महता

कार्यविधि विपरित व्यक्तिको सुरक्षामा खटिएका सुरक्षाकर्मीलाई जनताको सेवामा परिचालन गरौंः सांसद महता

मंगलबार बसेको प्रतिनिधिसभा बैठकको विशेष समयमा बोल्दै सांसद महताले राज्यका सुरक्षा निकायमा जनशक्ति अभाव देखिएको अवस्थामा कार्यविधि विपरीत व्यक्तिकेन्द्रित सुरक्षा सुविधा उपलब्ध गराउने अभ्यासको समीक्षा गर्न आवश्यक रहेको...
‘फोटो खिचेपछि’ संसदबाट निकालिइन् कांग्रेस सांसद

‘फोटो खिचेपछि’ संसदबाट निकालिइन् कांग्रेस सांसद

मर्यादापालकहरुले कांग्रेसकी सांसद गीताकुमारी सेन्दाङलाई बैठकको फोटो खिचेको निहुँमा हलबाट बाहिर लगेका हुन्। प्रतिनिधिसभा बैठकमा सांसदहरूले फोटो र भिडिओ खिच्न पाउँदैनन्।
विदेशमा रहेका नेपालीलाई सहायता गर्ने सरकारी एप 'मोफा मित्र' सार्वजनिक

विदेशमा रहेका नेपालीलाई सहायता गर्ने सरकारी एप 'मोफा मित्र' सार्वजनिक

यस एपको सञ्चालनसँगै विदेशमा अप्ठ्यारोमा परेका वा उद्धारको पर्खाइमा रहेका नेपाली नागरिकहरूले सिधै विभाग वा विदेशस्थित नेपाली नियोगहरूमा आफ्नो गुनासो दर्ता गराउन सक्नेछन् । यो प्रविधिले कन्सुलर सेवा...