इजरेली सेनाले दियो विपिन जोशी जिवित नरहेको जानकारी

काठमाडौँ । हमासले कब्जामा लिएका नेपाली विद्यार्थी विपिन जोशी जीवित रहेको प्रमाण फेला नपरेको इजरेली सेनाले जानकारी गराएको छ । इजरेली सेनाले जोशी जिवित रहेको प्रमाण फेला नपरेको औपचारिक जानकारी गराएको इजरेलस्थित नेपाली राजदूत धनप्रसाद पण्डितले बीबीसी नेपालीलाई जानकारी दिएका छन् । 

Watch On

आईडीएफले नेपालबाट विपिनका ठूलोबुवाका छोरा किशोर जोशी, हाल अमेरिकामा रहेकी विपिनकी बहिनी पुष्पा र इजरेलमा राजदूत पण्डितलाई ग्रूप कलमा सहभागी गराएर पछिल्लो जानकारी गराएका हुन् । 

इजरायल र हमासबीच भएको युद्धविराम सम्झौताअन्तर्गत इजरायलले अझै जीवित रहेको विश्वास गर्ने गाजामा बन्दी बनाइएका २२ जना जीवित बन्दीमध्ये रिहा हुने अपेक्षा गरिएको २० जनाको सूचीमा पनि नेपाली नागरिक विपीन जोशीको नाम समावेश छैन । 

विपिन सन् २०२३ अक्टोबर ७ मा हमासले इजरायलमा गरेको ऐतिहासिक आक्रमणका क्रममा अपहरणमा परेका थिए । चौबिस वर्षीय नेपाली युवा विपीन जोशी आक्रमण हुनुभन्दा एक महिनाअघि मात्र आफ्नो जन्मस्थान नेपालबाट इजरायल पुगेका थिए । उनी कृषि अध्ययनका लागि विद्यार्थी आदानप्रदान कार्यक्रममा सहभागी हुन गाजाको सीमामा रहेको किबुट्ज अलुमिममा कार्यरत थिए ।  

कार्यक्रमका १७ जना नेपाली विद्यार्थीमध्ये १० जनाको हमासको आक्रमणका क्रममा मृत्यु भएको थियो । उनीहरू बम आश्रयमा लुकेका थिए र हमलाको क्रममा फ्याँकिएका जीवित ग्रेनेडहरूबाट बाँच्न सफल भए पनि विपिन जोशी घाइते भएर अपहरणमा परेका थिए ।