समाज

२ लाख ५७ हजार ५०५ जना थपिए नयाँ मतदाता

सिधाकुरा

शुक्रबार, कात्तिक २८, २०८२

काठमाडौँ । कात्तिक २७ गतेसम्म २ लाख ५७ हजार ५ सय ५ जना नयाँ मतदाता थप भएका छन् । निर्वाचन आयोगले शुक्रबार एक विज्ञप्ती जारी गरी दिएको जानकारी अनुसार सो संख्यामा नयाँ मतदाता थपिएका छन् ।

Watch On

आयोगले असोज ९ गते नयाँ मतदाता नामावली संकलन गर्ने निर्णय गरेको थियो ।

त्यस्तै आयोगले मतदाता नामावली दर्ताका लागि पाँच दिन समय थप गरेको छ । अब मंसिर ५ गतेसम्म मतदाता नामावली दर्ता गर्न सकिने निर्वाचन आयोगले जनाएको छ ।

मतदानाका लागि योग्य जेनजी पुस्ताको मतदाता नामाावली दर्तामा देखिएको आर्कषणलाई सम्बोधन गर्दै आयोगले म्याद थप गरेको जनाएको छ ।

निर्वाचन आयोगका कार्यवहाक प्रमुख आयुक्त रामप्रसाद भण्डारीका अनुसार अब मंसिर ५ गतेसम्म मतदाता नामावालीमा नाम दर्ता गर्नेले आगामी निर्वाचनमा मतदान गर्न पाउने छन् ।

यस अघि अनलाइन फारम भरेर बायोमेट्रिकका लागि निर्वाचन कार्यालय जानुपर्ने बाध्यता हटाउँदै आयोगले बिहीबारबाट भने राष्ट्रिय परिचयपत्र भएका व्यक्तीले अनलाईनमै विवरण भरेर नाम दर्ता गराउन सक्ने व्यवस्था समेत गरेको छ ।

म्याद सकिनै लाग्दा मतदाता नामावालीमा नाम दर्ता गर्नेहरुको संख्या उच्च भएको आयोगले जनाएको छ ।

प्रकाशित मिति: शुक्रबार, कात्तिक २८, २०८२

प्रतिक्रिया दिनुहोस्