रविलाई जेलबाट निकाल्नुपर्छ, राजा ल्याउनु पर्छ तर पारस होइन, सुदन नक्कली जेनजी; ज्ञानेन्द्र शाही

सिधाकुरा पोडकाष्टको आजको शृङ्खलामा अतिथि हुनुहुन्छ ज्ञानेन्द्र शाही । शाही अहिले राप्रपा नेपालका केन्द्रीय कार्यसम्पादन समिति सदस्य एवम् प्रवक्ताको जिम्मेवारीमा छन् ।
सामाजिक अभियन्ताका रुपमा ख्याति कमाएका शाही २०७९ को आम निर्वाचनमा जुम्लामा राष्ट्रिय प्रजातन्त्र पार्टी (राप्रपा) बाट प्रतिनिधिसभा निर्वाचन लडेका थिए ।  
जुम्लाबाट उनले प्रतिस्पर्धीलाई ११ हजार मतान्तरले हराएर विजयी भए । एक अभियन्ताका रुपमा उदाएका शाही कानुन निर्माणको थलो संसदमा प्रवेश गरेपछि वाक कलाले लोकप्रिय त बने कतिपय बेला भने कमजोर ज्ञानको प्रचारकको रुपमा आलोचित पनि बन्न पुगे ।

Watch On

छिटो प्रतिक्रिया जनाउने, घटनालाई आफूअनुकुल व्याख्या गर्ने तर कमजोर अध्ययनका कारण आलोचना भए पनि आलोचक तथा विपक्षी विरुद्ध स्पष्ट आगो ओकल्न सक्ने खुबीले शाहीको चर्चा भने कहिल्यै घटेन । 

राप्रपा नेता ज्ञानेन्द्र शाही यतिबेला भदौ २३ र २४ को जेनजी आन्दोलनको श्रेय आफूहरूको पार्टीले पनि पाउनु पर्ने दाबी गर्छन् । यही दाबीका साथ राप्रपाले मंसिर २३ का लागि काठमाडौँमा जनप्रर्दशन आयोजना गरेको छ । जेनजी आन्दोलन पछि बनेको सरकारले फागुन २१ मा निर्वाचन घोषणा गरेको छ । 

राप्रपा स्वयम् निर्वाचनको प्रक्रियामा सामेल पनि छ । तर, उसले यहीबेला गणतन्त्र फ्याँक्ने, राजासहितको प्रजातान्त्रिक हिन्दुराष्ट्र कायम हुनुपर्ने र यसका लागि सरकार, दलहरू र राजाबीच त्रिपक्षीय सहमति कायम गर्नु पर्ने ढोक्सा थापेको छ ।

यही पृष्ठभूमिमा हामीले जेनजीको बलमा भएको परिवर्तनलाई आफ्नो अनुकुल व्याख्या गर्न राप्रपा लागेकोः उसको ल्याउने भनेको राजा के हो देखि जेनजी आन्दोलनको पृष्ठभूमि र परिणाम एवम् ज्ञानेन्द्र शाहीले रास्वपा सभापति रवि लामिछानेलाई नख्खु कारागारमा सुटुक्क दुई पटक भेटेकोसम्मका प्रसङ्गमा यो पडकाष्टमा कुराकानी गरेका छौँ ।