पर्यटन प्रवर्द्धन गर्ने उदेश्यले कालीगण्डकीमा ‘र्याफ्टिङ’ सञ्चालन
काठमाडौँ । पोखराका पर्यटन व्यवसायीहरूले आन्तरिक पर्यटकलाई लक्षित गरी कालीगण्डकी नदीमा ‘र्याफ्टिङ’ सुरु गरेका छन् ।
पर्यटन राजधानी पोखरा घुम्न आउने पर्यटकको बसाइ लम्ब्याउने उद्देश्यले पर्वतको जलजला गाउँपालिकाको फर्सेदेखि कुश्मा नगरपालिकाको नयाँपुलसम्म कालीगण्डकीमा ‘र्याफ्टिङ’ सुरु गरेका हुन् ।
Watch On
पोखरा भ्रमण वर्ष कार्यसम्पादन समितिको आयोजनामा पर्यटन व्यवसायी, जनप्रतिनिधि, महानगरपालिकाका प्रतिनिधि, उद्योगी, व्यवसायी र सञ्चारकर्मीको टोलीले फर्से–नयाँपुल खण्डमा र्याफ्टिङको शुभारम्भ गरे ।
र्याफ्टिङ रनर कम्पनीको व्यवस्थापनमा भएको र्याफ्टिङमा ३८ जनाको सहभागिता रहको पोखरा भ्रमण वर्ष कार्यसम्पादन समितिका संयोजक गोपिबहादुर भट्टराईले बताए ।
“पोखरादेखि सवारीमा दुई घण्टामा पुग्न सकिने फर्से–नयाँपुल खण्डमा र्याफ्टिङ गर्न आउने पर्यटकहरू कुश्मा, बागलुङ, बेनी, गलेश्वर पनि घुम्न पाउँछन्, प्रकृति, संस्कृति र साहसिक पर्यटन मन पराउनेका लागि यो उपयुक्त गन्तव्य हुनसक्छ”, उनले भने।
फर्सेदेखि नयाँपुलसम्म करिब १० किलोमिटर दूरीमा र्याफ्टिङ गर्न एक घण्टा ३० मिनेट लाग्छ । पोखरा भ्रमण वर्षलाई लक्षित गरेर यसअघि समितिले मर्स्याङ्दी र सेती नदीमा पनि र्याफ्टिङको प्रवर्द्धन गरेको थियो ।
एकपटकमा एउटा बोटमा आठ जनाले र्याफ्टिङ गर्न सक्ने र्याफ्टिङ रनरका सञ्चालक वीरेन्द्र लामाले बताए । विदेशी पर्यटकका लागि नयाँपुलदेखि गुल्मीको रिडीसम्म तीन दिनको र्याफ्टिङ प्याकेज उपलब्ध गराइएको छ ।
कात्तिक र चैत महिना र्याफ्टिङका लागि अनुकूल याम मानिन्छ । कालीगण्डकी नदीको जलयात्राका साथै पहाडी भूगोल र तटीय क्षेत्रका बस्तीको अवलोकन गर्न पाउँदा रोमाञ्चक महसुस भएको पोखरा उद्योग वाणिज्य सङ्घका अध्यक्ष गोकर्ण कार्कीले बताए।
-1782037450.jpeg)
-1783346241.jpg)
वर्षायामसँगै अन्नपूर्ण पदमार्गमा पर्यटक घटे
धारापानीस्थित अन्नपूर्ण संरक्षण क्षेत्र आयोजना (एक्याप) पर्यटक जाँच तथा सूचना केन्द्रका इन्चार्ज भूपेन्द्र गुरुङका अनुसार वर्षायाम सुरु भएसँगै पर्यटकको आगमन घटेको हो । शुक्रबार, असार २६, २०८३
काठमाडौँ –हेटौडा जोड्ने देउरालीमा १० मिनेट: फरक मौसमको अनुभूति, बादलसँग लुकामारी
काठमाडौँ र हेटौडामा अहिले गर्मी महसुस भइरहे पनि यी दुई सहरलाई जोड्ने सडकको देउराली क्षेत्रमा भने मौसम बिल्कुलै फरक देखिन्छ। केही क्षणमै वरिपरिका हरिया डाँडाकाँडा, सुन्दर इन्द्रसरोवर (कुलेखानी)... सोमबार, असार २२, २०८३-1782534690.JPG)
प्रकृति र संस्कृतिको अनुपम सुन्दरताले भरिएको हेलम्बु (तस्बिरहरु)
शनिबार, असार १३, २०८३
भारतीय पर्यटकले पोखराका होटल भरिभराउ
गण्डकी प्रदेशका प्रमुख धार्मिक तथा पर्यटकीय गन्तव्यहरू, विशेषगर फेवातालाको तालबाराही मन्दिर, विन्ध्यवासिनी, मुक्तिनाथ, तथा विभिन्न पदयात्रामा भारतीय पर्यटकको सङ्ख्या उत्साहजनक रहेको होटल सङ्घ पोखरा, नेपालका अध्यक्ष लक्ष्मण सुवेदीले... मंगलबार, असार ९, २०८३भर्खरै
- खाल्डोमा डुबेर एकै परिवारका तीन बालबालिकाको मृत्यु
- सुकुम्बासी व्यवस्थापनमा सरकार गम्भीर बनोस्
- मानवअधिकार आयोगको प्रष्टीकरणः दीपक बोहरा जेन–जी आन्दोलनका दोषी होइनन्
- पर्वतको मोदीखोलामा बाढी, सतर्कता अपनाउन आग्रह
- बालबालिकामाथि यौनजन्य क्रियाकलाप आरोपमा एक जना पक्राउ
- सरकारले अभिव्यक्ति स्वतन्त्रतामाथि अंकुश लगाउन खोज्योः दुर्गा प्रसाईं
- सरकार र गणेश नेपालीका परिवारबीच ९ बुँदे सहमति
- बजेटलगायतका समस्या समाधान गर्न मधेश प्रदेशमा कार्यदल गठन
