मेयरले नक्कली बाबु बनेर नागरिकता दिलाएको विषयमा गृहकाे चासाे, सीडीओ भन्छन्ः तीन दिनसम्म अनुसूची नै भेटिएन
काठमाडौँ । वीरगंज महानगरपालिकाका मेयर राजेशमान सिंहले नक्कली बाबु बनेर किर्ते नागरिकता दिएको विषयमा गृहमन्त्रालयले ध्यानाकर्षण भएको जनाएको छ ।
मेयर सिंहले आफै बाबु सनाखत बसेर रुबिना श्रेष्ठलाई नागरिकता दिलाएको विषय सिधाकुराले प्रकाशन गरेपछि विस्तृत अनुसन्धानका लागि जिल्ला प्रशासनलाई निर्देशन दिएको गृह प्रवक्ता नारायणप्रसाद भट्टराईले जानकारी दिए।
भट्टराईका अनुसार नागरिकताका सबै विवरण जिल्ला प्रशासनमा हुने भएकाले प्रारम्भिकरुपमा प्रशासनले अध्ययन गरेर गृहलाई जानकारी गराउनेछ ।
भट्टराईले भने, ‘प्रारम्भिकरुपमा जिल्ला प्रशासनले अध्ययन गरेर गृहमन्त्रालयमा पठाउन भनिएको छ, प्रशासनको प्रतिवेदनपछि आवश्यक कदम चालिनेछ ।’
मेयर सिंहले नागरिकताका लागि २०७४ सालमा वडा न ३ बाट सिफारिस बनाएर जिल्ला प्रशासन कार्यालयमा पेश गरेका थिए । सोही सिफारिसलाई देखाएर जिल्ला प्रशासन कार्यालय पर्साका तत्कालीन प्रशासकीय अधिकृत षड्कुमार पोखरेलले नागरिकता दिएका थिए ।
पहिलो पटक नागरिकता जारी भएको १९ महिनामै पुन प्रशासकीय अधिकृत विनय श्रीवास्तवले प्रतिलिपि जारी गरिदिएका थिए । त्यसको केही समयपछि पासपोर्ट समेत जारी भएको देखिन्छ ।
पर्सामा यस अघि प्रमुख जिल्ला अधिकारी ले मेयरको नागरिकताको विवाद आएपछि फाइल हेर्दा मेयर सिंहलेनै आफ्नी छोरी भन्दै लिएर आएकाले नागरिकता जारी भएको देखिएको बताएका थिए ।
तीनदिन देखि खोज्दा पनि अनुसूची भेटिएन: प्रजिअ भुषाल
हाल पर्साका प्रमुख जिल्ला अधिकारी दिनेश सागर भुषालले भने रुबिना श्रेष्ठका नाममा नागरिकता जारी हुँदाको अनुसूची नभेटिएको बताए ।
तीनदिन देखिनै अनुसूची खोज्न भनिएको छ तर भेटिएको छैन, 'भुषालले भने नागरिकता जारी भएको मितिको पोकोमा छैन, अन्यत्र कतै परे जस्तो छ । यस अघि पनि यो विषय सोधखोज भएको रहेछ, त्यहीबेला फाइल यताउता भएको हुनसक्छ ।'
यता, मेयर सिंहले नक्कली बाबु बनेर नागरिकता किर्ते गरेको विषयमा छानबिन गर्न थप १५ जनाले जिल्ला प्रशासन कार्यालयमा उजुरी दिएका छन् ।
मेयर सिंहले नागरिकता ऐन विरुद्धको कसुर गरेको भन्दै वीरगंजमा क्रियाशील विभिन्न राजनीतिक दल तथा नागरिक समाजका १५ जनाले बुधाबार जिल्ला प्रशासन कार्यालयमा उजुरी दर्ता गराएका हुन् ।
मंगलबार मेयर सिंहका छिमेकी महम्मद साबुदिनले पनि मेयर सिंह र नागरिकता लिने रुबिना श्रेष्ठ विरुद्ध उजुरी दिएका थिए ।
EXCLUSIVE : नागरिकता किर्तेमा वीरगंज महानगरका मेयर राजेशमान सिंह (भिडियोसहित)
एक घण्टासम्म सडकमै गाडी तेर्साएर आन्दोलनमा यातायात व्यवसायी (तस्विरहरु)
सार्वजनिक यातायात क्षेत्रको संरक्षण र व्यवस्थापनमा सरकारले चालेको कदमप्रति आपत्ति जनाउँदै सार्वजनिक यातायात व्यवसायीहरु आन्दोलनमा उत्रिएका छन् । शनिबार, जेठ १७, २०८२
११ सय ४३ किलो गाँजा सहित २ जना पक्राऊ
बोरामा लुकाईछिपाई राखिएको प्रतिबन्धित लागुऔषध गाँजा ११ सय ४३ केजी रहेको प्रहरीले जनाएको छ । घरमा लुकाईछिपाई राखेको उक्त गाँजासहित घरधनी रत्नमाया श्रेष्ठ र सोही स्थान बस्ने अन्दाजी... शुक्रबार, जेठ १६, २०८२
यस्ताे छ आर्थिक वर्ष २०८२/८३ बजेट (पूर्ण पाठ)
आगामी आर्थिक वर्षको व्ययको अनुमान चालु आर्थिक वर्षको विनियोजनको तुलनामा पाँच दशमलव छ प्रतिशत र संशोधित अनुमानको तुलनामा १८ दशमलव दुई प्रतिशतले बढी हो । बिहीबार, जेठ १५, २०८२
आगामी आर्थिक वर्षका लागि १९ खर्ब ६४ अर्ब ११ करोडको बजेट
सरकारले आगामी आर्थिक वर्ष २०८२/८३ का लागि रू १९ खर्ब ६४ अर्ब ११ करोडको बजेट ल्याएको छ । बिहीबार, जेठ १५, २०८२भर्खरै
- प्रहरीको नियन्त्रणमा रहेका कमल थापा, दिपक सिंह सहित ७ जना रिहा
- राप्रपाको आन्दोलन चर्किएसँगै सरकारले थप्यो निषेधित क्षेत्र, यी ठाउँमा प्रदर्शन गर्न निषेध
- राजावादीद्वारा भोलि उपत्यका बन्दको घोषणा
- सुनकोशी मरिन डाइभर्सन परियोजना समयमा सम्पन्न नभए ठेक्का तोडिनेछः प्रधानमन्त्री ओली
- बागलुङ बजारमा बृहत् सडक सेवा सञ्चालन, सडकमै बस्दै आएका ६ जनाको उद्धार
- ८० किलो लागुऔषध गाँजासहित २ जना पक्राउ
- ललितपुरमा देखाइयो रातो मच्छिन्द्रनाथको भोटो (तस्विरहरु)
- कमल थापालाई भेट्न प्रहरी परिसर पुगेका दिपक सिंह पक्राउ
