काठमाडाैँ । दाङको भालुबाङस्थित राप्ती नदीको पुलबाट बस खस्दा घाइते भएका २२ जनाको बुटवल, नेपालगंज र  भालुबाङ  अस्पतालमा उपचार भैरहेको छ । प्रहरीले उपलब्ध गराएको विवरण अनुसार घाइतेहरु मध्ये काठमाडौं कालीमाटी बस्ने ३८ वर्षीय मन्जु शर्माको खुट्टा भाँचिएको छ भने आँखामा चोट लागेको छ । उनलाई बुटवल रिफर गरिएको छ । 

बाँकेका २० वर्षीय निरञ्जन कोरीको बायाँ हात, खुट्टा र ओठमा चोट लागेको छ भने उनको प्रस्तावित  भालुबाङ अस्पतालमा उपचार भैरहेको छ । 

रौतहटका २६ वर्षीय संजय कार्कीको निधार र आँखामा चोट लागेको छ । उनलाई बुटवल रिफर गरिएको छ। 

यस्तै आँखा र टाउकोमा चोट लागेकी काठमाडौकी सन्जु बरवाललाई बुटवल रिफर गरिएको छ । 

बाँकेको कोहलपुर बस्ने २१ वर्षीय धनबहादुर पुन मगरको खुट्टा, हात र कम्मरमा चोट लागेको छ ।उनलाई नेपालगंज रिफर गरिएको छ । 

भारत बस्ने २० बर्षीय छोटी सिलौराको छातीमा चोट लागेको छ भने उनलाई नेपालगंज रिफर गरिएको छ । 

यस्तै बायाँ हातमा चोट लागेका बर्दियाका २२ वर्षीय राजिव थारुको पनि प्रस्तावित  भालुबाङ अस्पतालमा उपचार भैरहेको छ ।  

ढाड र हातमा चोट लागेका बाँकेका २० वर्षीय अरवाज नाउको पनि  भालवागंमा उपचार भैरहेको छ । 

टाउको चोट लागेका नेपालगंजका २५ वर्षीय महमोद जाबेदको पनि  भालुबाङमा उपचार भैरहेको छ । 

खुट्टा र हातमा चोट लागेका कालिकोटका ४५ वर्षीय तिलक प्रसाद उपाध्यायलाई थप उपचारका लागि बुटवल रिफर गरिएको छ । 

यस्तै मुखमा चोट लागेका जुम्लाका १९ बर्षीय विशाल बोहराको  भालुबाङमा उपचार भैरहेको छ । 

यस्तै हात,खुट्टा र निधारमा चोट लागेका बाँकेका १८ बर्षीय दशरथ विक ढाड र कोखामा चोट लागेका बाँके १९ नफिच खानको पनि  भालुबाङमै उपचार भैरहेको छ । डोल्पाकी ३५ वर्षीय धनकली बुढालाई नेपालगंज रिफर गरिएको छ, उनको मुखमा चोट छ । 

यस्तै गाडीका सहचालक बाँके राप्ती सोनारी गाउँपालिका २ का ३१ बर्षीय कुलबहादुर गोसाईको ढाडमा चोट लागेको उनलाई नेपालगंज रिफर गरिएको छ । अर्का सहचालक बाँकेका २१ वर्षीय शंकर थारुको हातमा चोट लागेको छ, उनलाई नेपालगंज पठाइएको छ । 

ढाडमा चोट लागेका काठमाडौका सुभाष शाक्यलाई बुटवल रिफर गरिएको छ । यस्तै काठमाडौ बस्ने ११ वर्षीय आध्या पाण्डेको मुख र हातमा चोट लागेको छ भने उनलाई बुटवल रिफर गरिएको छ । 

यस्तै बाँकेको नेपालगञ्ज बस्ने ३५ बर्षीया लिला वलीको  खुट्टामा चोट लागेको छ उनलाई नेपालगंज रिफर गरिएको छ ।  भारत बस्ने २३ वर्षीय राहुल कुमारका अहीरको दाहिने हात भाँचिएको छ भने उनलाई  नेपालगंज रिफर गरिएको छ । 

यस्तै रौतहटका २६ वर्षीय सन्जय कार्कीको आँखामा चोट लागेको छ । उनलाई बुटवल रिफर गरिएको छ । 

अर्का घाइते काठमाडौककी ४५ की राधा पाण्डे छाती र घाँटीमा चोट छ । उनलाई पनि बुटवल रिफर गरिएको छ ।

शुक्रबार राति १० बजे राप्ती गाउँपालिका १ स्थित दाङ र अर्घाखाँची जिल्लालाई जोड्ने पुलबाट नेपालगञ्जबाट काठमाडौं आउँदै गरेको भे १ ख ३९१२ नम्बरको बस नदीमा खसेको थियाे । दुर्घटनामा १२ जनाकाे मृत्यु भएकाे छ । मृतक मध्ये २ जना भारतीय नागरिकसिहत ८ जनाको सनाखत भएको छ । 

अपडेटः दाङ बस दुर्घटनामा ज्यान गुमाउने ८ जनाको पहिचान खुल्यो