समाज

कांग्रेस विवादः इतर पक्षले सार्वजनिक गर्यो ५ प्रस्ताव

सिधाकुरा

आइतबार, साउन ३, २०८३

कांग्रेस विवादः इतर पक्षले सार्वजनिक गर्यो ५ प्रस्ताव

पूर्णबहादुर खड्कासहित कांग्रेस नेताहरु/ फाइल फोटो

काठमाडौँ । नेपाली कांग्रेसको इतर पक्ष (देउवा पक्ष) ले पार्टी एकताका लागि पाँच बुँदे प्रस्ताव सार्वजनिक गरेको छ । सभापति गगनकुमार थापाले प्रस्ताव स्वीकार गरे पार्टी एकताबद्ध हुने उनीहरुको दाबी छ ।

आज इतरपक्षको चुनदेवीस्थित सम्पर्क कार्यालयमा बसेको शीर्ष नेताहरुले पार्टी एकताका लागि भन्दै पाँच बुँदे प्रस्ताव सार्वजनिक गरेको हो ।

Watch On

निवर्तमान कार्यबाहक सभापति पूर्णबहादुर खड्काको नेतृत्वमा बसेको इतर पक्षका नेताहरुको बैठकले चौधौं महाधिवेशनबाट बनेको कार्य समितिका पदाधिकारी र सदस्यहरुलाई विशेष महाधिवेशनपछि बनेको केन्द्रीय समितिमा मनोनीत गर्न प्रस्ताव गरेको छ ।

त्यस्तै, सभापति थापाकै बहुमत हुने गरी कार्यसम्पादन समिति बनाउने, पुनर्गठित केन्द्रीय कार्यसमितिको बैठकले १५ औं महाधिवेशनको कार्यतालिका घोषणा गर्ने, महाधिवेशनसँग सम्बन्धित विभिन्न समितिहरू पुनर्गठन गर्ने र पार्टीभित्र विवाद हुनुपहिले नै टुंग्याएका सबै क्रियाशील सदस्यलाई १५ औं महाधिवेशनमा स्वतः सहभागी हुन पाउने व्यवस्था गर्नुपर्ने प्रस्ताव इतर पक्षले अगाडि सारेको छ ।

बैठकमा चौधौं महाधिवेशनमा सभापतिमा पराजित नेता डा. शेखर कोइराला र उनी पक्षधर नेताहरुको भने सहभागिता थिएन ।

प्रकाशित मिति: आइतबार, साउन ३, २०८३

प्रतिक्रिया दिनुहोस्