मुख्य समाचार

कांग्रेस केन्द्रीय समिति बैठकका यी हुन् ८ एजेन्डा

सिधाकुरा

आइतबार, साउन २४, २०८३

कांग्रेस केन्द्रीय समिति बैठकका यी हुन् ८ एजेन्डा

काठमाडौं । नेपाली कांग्रेस केन्द्रीय कार्यसमितिको जारी बैठकमा ८ वटा एजेन्डा प्रस्तुत गरिएको छ ।

महामन्त्री प्रदीप पौडेलले छलफलका लागि ८ वटा कार्यसूची अघि सारेका हुन् ।

Watch On

बैठकको पहिलो एजेन्डामा पार्टीको १५औँ महाधिवेशनको तयारी रहेको छ । त्यसअन्तर्गत नियमावली तथा निर्वाचन निर्देशिका, सदस्यता अद्यावधिक तथा वितरण, महाधिवेशन तयारी समिति र विधान मस्यौदा समिति गठनका विषयमा छलफल हुनेछ ।

त्यस्तै, महाधिवेशनका लागि प्रचारप्रसार, भोजन तथा आवास, मञ्च व्यवस्थापनलगायत उपसमिति गठन र केन्द्रीय कार्यसम्पादन समितिका निर्णय अनुमोदन गर्ने विषय पनि एजेन्डामा समेटिएको छ ।

बैठकमा पछिल्लो समय तराई–मधेशमा भएका घटनाक्रम र सामाजिक सद्भाव कायम गर्ने विषय, सरकारका १०० दिनपछि भएका गतिविधि तथा प्रमुख प्रतिपक्षी दलका रूपमा संसद् र संसद् बाहिर कांग्रेसको भूमिकाबारे पनि छलफल हुनेछ ।

त्यसैगरी प्रदेश सरकारमा विकसित राजनीतिक परिस्थिति, सदस्यता व्यवस्थापनसम्बन्धी केन्द्रीय समितिको निर्णय अनुमोदन, नेपाली जनसम्पर्क समिति, समसामयिक विषय तथा भ्रातृ संस्थाहरूको विधान बैठकका एजेन्डा छन् ।

कांग्रेस केन्द्रीय कार्यसमितिको बैठक भोलि सोमबार, २०८३ साउन २५ गते दिउँसो १ बजे पार्टी केन्द्रीय कार्यालयमा पुनः बस्नेछ ।

प्रकाशित मिति: आइतबार, साउन २४, २०८३

प्रतिक्रिया दिनुहोस्