मुख्य समाचार

मल अभाव भएको भन्दै प्रचण्डले गराए सरकारको ध्यानाकर्षण

सिधाकुरा

सोमबार, साउन २५, २०८३

मल अभाव भएको भन्दै प्रचण्डले गराए सरकारको ध्यानाकर्षण

काठमाडौं । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ले रोपाइँ सकिँदासमेत मधेशसहित देशका विभिन्न भागमा रासायनिक मलको सहज आपूर्ति हुन नसकेको भन्दै सरकारको ध्यानाकर्षण गराएका छन् ।

प्रचण्डले समयमा पर्याप्त मल उपलब्ध गराउने सरकारको प्रतिबद्धता व्यवहारमा कार्यान्वयन हुन नसकेको र उपलब्ध मलसमेत कालोबजारी तथा बिचौलियाका कारण किसानसम्म समन्यायिक रूपमा पुग्न नसकेको गुनासो व्यापक रहेको बताएका छन् ।

Watch On

नेपालमा मल आयातको प्रक्रिया जटिल भएकाले समयमै पूर्वतयारी आवश्यक रहेको उल्लेख गर्दै उनले आफ्नो नेतृत्वको तत्कालीन सरकारले यही विषयको गम्भीरता बुझेर समयमै मल आपूर्ति तथा वितरण गर्नुका साथै अर्को आर्थिक वर्षका लागि समेत बजेट सुनिश्चित गरेको दाबी गरेका छन् ।

उनले सरकारलाई रासायनिक मलको आयात प्रक्रिया यथाशीघ्र पूरा गरी पर्याप्त आपूर्ति सुनिश्चित गर्न आग्रह गरेका छन् । साथै आगामी वर्षका लागि समेत समयमै तयारी गर्न र मलको कालोबजारी तथा बिचौलियामाथि प्रभावकारी नियन्त्रण गर्न उनले माग गरेका छन् ।

किसानलाई मल सहज, पारदर्शी र समन्यायिक रूपमा वितरण गर्ने व्यवस्था मिलाउन समेत प्रचण्डले सरकारको गम्भीर ध्यानाकर्षण गराएका छन् ।

प्रकाशित मिति: सोमबार, साउन २५, २०८३

प्रतिक्रिया दिनुहोस्