सबै कुरा

रसियन दूतावास अघि युद्ध पीडित आफन्तकाे माग 'युद्धमा नेपालीकाे प्रयाेग बन्द गर'

लक्ष्मण गिरी

मंगलबार, माघ २३, २०८०

रसियन दूतावास अघि युद्ध पीडित आफन्तकाे माग 'युद्धमा नेपालीकाे प्रयाेग बन्द गर'

काठमाडौँ । रुसी सेनामा रहेका नेपालीहरूको उद्धार, राहत र बेपत्ताहरूको अवस्था जानकारी गराउन माग गर्दै प्रदर्शन गरेकाहरुले सडकमै धर्ना सुर गरेका छन् । बालुवाटास्थित रसियन एम्बेसी अगाडि प्रदर्शन गर्न नदिइएपछि उनीहरुले एम्बेसीभन्दा केही परको चोकमा प्ले कार्डसहित प्रदर्शन गरेका थिए ।

Watch On

त्यसपछि रुसी सेनामा भर्ती भएका नेपालीको आफन्त तथा परिवारहरु राजदूतावासमा ज्ञापन पत्र बुझाउन अघि बढेको थियो । तर प्रहरीले सिमित केही व्यक्ति मात्र जान पाइने बताएको थियो । उनीहरुले आफूहरुनिकै टाढाबाट आएको र आफ्ना आफन्तले रुसमा धेरैले नै दुख पाईरहेकोले दूतावासका अधिकारीहरुलाई भेटेर आफ्ना कुरा राख्न दिन माग गरेका थिए । तर प्रहरीले जान नदिएपछि उनीहरु बाटोमै धर्नामा बसेका हुन् ।

उनीहरुले रुसी सेनामा ज्यान गुमाए तथा घाइते भएकाहरुका आफन्तले मृतका परिवारलाई क्षतीपुर्ती दिलाउनु पर्ने, घाइतेहरुको उपचार गरी नेपाल फर्काउनु पर्ने, नेपालीहरुलाई रुसी सेनामा भर्ती रोक्नु पर्ने लगायतका माग राखेका छन् । साथै उनीहरुले सेनामा भर्ती भएकहरुकालाई सकुशल घर फिर्ता हुने वातावरण बनाउन समेत माग गरेका छन् ।

प्रकाशित मिति: मंगलबार, माघ २३, २०८०

प्रतिक्रिया दिनुहोस्