समाज

एनप्याब्सन किन पर्‍यो निलम्बनमा?

सिधाकुरा

शुक्रबार, कात्तिक १३, २०८३

काठमाडौं। गृह मन्त्रालयले राष्ट्रिय निजी तथा आवासीय विद्यालय एसोसिएसन नेपाल (एनप्याब्सन) लाई निलम्बन गरेको छ।

Watch On

एनप्याब्सन राष्ट्रिय निर्देशन ऐन, २०१८ बमोजिम दर्ता भएको संस्था हो।

संस्थाले उक्त ऐनको दफा ५ बमोजिमको निर्देशन पालना गरेको र संगठनका पदाधिकारीहरूले नेपाल सरकारबाट स्वीकृत विधान तथा संगठनको मूल उद्देश्य विपरितका कार्यहरूसमेत गरेको देखिएको भन्दै गतिविधिमा रोक लगाइएको मन्त्रालयले बताएको छ।

‘मन्त्रालयले सम्बद्ध सरोकारवाला पक्षहरूलाई मिति २०८३/६/२३ गते छलफल गराई राष्ट्रिय निर्देशन ऐन, २०१८ तथा यस मन्त्रालयबाट मिति २०८२/८/१२ गते जारी निर्देशन बमोजिमका कार्य गर्न आग्रहसमेत गरिएकामा सो बमोजिम गरिएको नदेखिएकाले राष्ट्रिय निर्देशन ऐन, २०१८ दफा ५ बमोजिमको निर्देशन पालना नगरेकाले ऐनको दफा ६ को उपदफा (२) बमोजिम राष्ट्रिय निजी तथा आवासीय विद्यालय एसोसिएसन नेपाललाई अर्को निर्णय नभएसम्मका लागि निलम्बन गरिएको बेहोरा सम्बन्धित सबैको जानकारीका लागि यो सूचना प्रकाशन गरिएको छ,’ मन्त्रालयले शुक्रबार सूचना जारी गर्दै भनेको छ।

यो सूचना जारी भएपछि संस्थाका नाममा कुनै पनि समूह वा गुटबाट हुने क्रियाकलाप गैरकानूनी हुने हुँदा प्रचलित कानून बमोजिम कारबाही हुने पनि मन्त्रालयले जानकारी दिएको छ।

869246811_1908192120589137_3378188724887118994_n-1793354597.jpg