समाज

बनेपामा दुई बस आपसमा ठोक्किँदा २५ जना घाइते (विवरणसहित)

सिधाकुरा

बिहीबार, कात्तिक २६, २०८३

बनेपामा दुई बस आपसमा ठोक्किँदा २५ जना घाइते (विवरणसहित)

काठमाडौँ । काभ्रेपलाञ्चोकको बनेपामा दुई बस एकापसमा ठोक्किँदा २५ जना घाइते भएका छन्।

Watch On

बुधबार बिहान करिब ११ः४० बजे धुलिखेलबाट बनेपातर्फ आउँदै गरेको बा ५ ख २९७ नम्बरको बस र विपरीत दिशाबाट जाँदै गरेको बा ३ ख ५०६४ नम्बरको बस एकापसमा ठोक्किँदा दुर्घटना भएको हो।

दुर्घटनामा घाइते भएका २५ जनामध्ये २१ जनालाई उपचारका लागि बनेपास्थित शीर मेमोरियल अस्पताल र चार जनालाई धुलिखेल अस्पताल पठाइएको प्रहरीले जनाएको छ।

शीर मेमोरियल अस्पतालमा उपचाररत २१ जनामध्ये केहीको अवस्था मध्यम रहेको छ भने अधिकांशको अवस्था सामान्य छ। मध्यम अवस्थाका घाइतेमा मनिष पहरी, उर्मिला महत, देवकी निरौला, कल्पना खत्री, अभिनाश खड्का र असिम पन्त रहेका छन्।

त्यस्तै, धुलिखेल अस्पतालमा उपचाररत चारै जनाको अवस्था सामान्य रहेको छ। उनीहरूमा सबिना खड्का, सानिया खड्गी, रोहन आचार्य र सुनिता थपौलिया छन्।

घाइतेहरू काभ्रे, सिन्धुपाल्चोक, खोटाङ, सिन्धुली, दोलखा र काठमाडौँका बासिन्दा रहेको प्रहरीले जनाएको छ। घाइतेमध्ये बालबालिका तथा किशोरकिशोरीसमेत छन्।

दुर्घटनापछि प्रहरीले दुवै बस र तिनका चालकलाई नियन्त्रणमा लिएको छ। दुर्घटनाको कारणबारे थप अनुसन्धान भइरहेको छ।

प्रकाशित मिति: बिहीबार, कात्तिक २६, २०८३

प्रतिक्रिया दिनुहोस्