सबै कुरा

बालकुमारी घटनाको दोषीलाई कारबाहीको माग गर्दै संसद अवरुद्ध

सिधाकुरा

बिहीबार, फागुन १०, २०८०

बालकुमारी घटनाको दोषीलाई कारबाहीको माग गर्दै संसद अवरुद्ध

काठमाडौं । बालकुमारी घटनाको दोषीलाई कारबाही गर्न माग गर्दै प्रतिपक्षी दलहरुले संसद अवरुद्ध गरेका छन् । नेकपा एमाले, राष्ट्रिय स्वतन्त्र पार्टी र राप्रपाका सांसदहरुले संसद बैठक अवरुद्ध गरेका हुन् ।

माघ ६ गतेको बैठकमा ललितपुरको बालकुमारी घटनामा भौतिक पूर्वाधारमन्त्री प्रकाश ज्वालाको समेत कमजोरी रहेको प्रतिवेदन छानबिन समितिले दिएको प्रतिवेदनका कार्यान्वयन गर्न माग गरेका थिए ।

तर प्रधानमन्त्रीले आफूले प्रतिवेदन अध्ययन नगरेको भन्दै अध्ययनपछि आवश्यक निर्णय लिने दाबी गरेका थिए । तर अहिलेसम्म पनि प्रतिवेदनले घटनामा दोषी देखिएको भौतिक पूर्वाधार तथा यातायात मन्त्री प्रकाशज्वालालाई कारवाही नगरेपछि सांसदहरुले आजको बैठकनै अवरुद्ध गरेका हुन् ।

गत पुस १३ गते दक्षिण कोरियाको ईपीएस भाषा परीक्षामा भाग लिन पाएको भन्दै आन्दोलनमा उत्रिएका युवाहरुले मन्त्री ज्वालाको गाडीमा आगजनी गरेका थिए । प्रदर्शनकारीले मन्त्रीको गाडीमा आगो लगाइदिएपछि प्रहरीको दमनबाट दैलेखका सुजन राउत र अछामका वीरेन्द्र शाहको मृृत्यु भएको थियो ।

उक्त घटनाको छानबिनका लागि सरकारले पूव न्यायाधीश शेखर पौडेलको नेतृत्वमा बनाएको आयोगले घटनामा मन्त्री ज्वालालाई दोषी देखाएको थियो ।

प्रकाशित मिति: बिहीबार, फागुन १०, २०८०

प्रतिक्रिया दिनुहोस्