सबै कुरा

जब एक पुरुषले आफू, श्रीमती र तीन छोरीमाथि मट्टितेल खन्याएर आगो लगाए...

सिधाकुरा

बुधबार, जेठ २३, २०८१

जब एक पुरुषले आफू, श्रीमती र तीन छोरीमाथि मट्टितेल खन्याएर आगो लगाए...

काठमाडाैँ । काठमाडौँको चाबहिलमा एक पुरुषले आफू, श्रीमती र तीन छोरीमागि मट्टितेल खन्याएर आगो लगाएका छन् । मादक पदार्थ सेवन गरेर घर पुगेका ५२ वर्षका चञ्चल सिहंले मंगलबार राति सपरिवारमाथि आगो लगाएका हुन् ।

उनले आफूसँगै श्रीमति विनु सिंह, छोरीहरू सुप्रिया, समृद्धि र सुहानीमाथि आगो लगाएका हुन् । सपरिवारमाथि आगो लगाएको सूचना पाएपछि उद्धारका लागि पुगेको प्रहरी वृत्त गौशालको टोलीले उनीहरुको उद्धार गरी अस्पताल पुर्याएको थियो । सुरुमा धुमबराहीको हेल्पिङ ह्याण्ड अस्पताल पुयाइएको उनीहरुको उपचार सम्भव नभएपछि उनीहरुलाई कीर्तिपुरको बर्न अस्पतालमा पुर्‍याइएको छ ।

आगो लगाएर घाइते भएकामध्ये जेठी छोरी सुप्रिया र माइली छोरी समृद्धीको अवस्था गम्भिर रहेको र अन्यको अवस्था सामान्य रहेको अस्पतालले बताएको छ । जेठी र माइली छोरीको शरिरको अधिकांश भाग जलेको अस्पतालले जनाएको छ ।

प्रहरीको प्रारम्भिक अनुसन्धानका क्रममा ५२ वर्षिया चञ्चलले मादक पदार्थ सेवन गरेर सँधैजसो घरमा झगडा गर्ने गरेका थिए । त्यसो त केही दिनअघि मात्र उनको श्रीमति विनुले गौशाला प्रहरीमा पुगेर श्रीमानले हिंसा गरेको भन्दै उजुरी गराएकी थिइन् ।

प्रकाशित मिति: बुधबार, जेठ २३, २०८१

प्रतिक्रिया दिनुहोस्