सबै कुरा

बादलभित्र प्रवेश गर्नु र फर्कने क्रममा लेफ्ट टर्न गर्नु हेलिकप्टर दुर्घटनाको कारण हुनसक्छ : क्यान

सिधाकुरा

बिहीबार, साउन २४, २०८१

काठमाडाैँ । नेपाल नागरिक उड्डयन प्राधिकरणका महानिर्देशक प्रदीप अधिकारीले बुधबार नुवाकोटमा भएको हेलिकप्टर दुर्घटनाको कारण हेलिकप्टर बादलभित्र प्रवेश गर्नु र फर्कने क्रममा लेफ्ट टर्न गर्नु हेलिकप्टर दुर्घटनाको कारण हुनसक्ने बताएका छन् ।

महानिर्देशक इन्जिनियर प्रदीप अधिकारी बिहीबार अन्तर्राष्ट्रिय सम्बन्ध तथा पर्यटन समितिको बैठकमा एयर डाइनेस्टीको दुर्घटनाबारे प्रारम्भिक जानकारी दिँदै उक्त हेलिकप्टर प्रतिकुल मौसममा चालक दलको कमजोरीका कारण भएको हुनसक्ने बताए । ‘आज हामी माननीय मन्त्रीज्यु, सचिवज्यु लगायत गएर दुर्घटनास्थल हेर्यौँ । दुर्घटनाको कारण छानबिन आयोगले नै बताउला तर त्यहाँ गएर रुट कज सरसर्ती हेर्दा ब्याड वेदरमा हेलिकप्टर प्रवेश गरेको हो । बादलभित्र प्रवेश गरेको कारण र चालकले हेलिकप्टर फर्कने क्रममा लेफ्ट टर्न गर्दा ठोक्किएको देखिन्छ ।’, महानिर्देशक अधिकारीले भने ।

त्यस्तै उनले पाइलटले सिभिल एभिएशनको भिजुअल फ्लाइट रुट अनुसार नगएर यसरी बादल भित्र छिर्नु र आँखाले नदेखेको ठाउँमा छिर्नु प्रतिवन्धित भएको र सो विषय कानुनविपरित समेतर रहेको बताएका छन् ।

बुधबार भएको एयर डाइनेष्टीको हेलिकप्टर दुर्घटना हुँदा चालकसहित ५ जनाको मृत्यु भएको थियो ।

प्रकाशित मिति: बिहीबार, साउन २४, २०८१

प्रतिक्रिया दिनुहोस्