काठमाडौँ । नेपाल विद्युत प्राधिकरणका कार्यकारी निर्देशक कुलमान घिसिङले लोडसेडिङ् हुँदा खुसी हुने जमातले आफ्नो विरोध गर्ने गरेको गुनासो गरेका छन् । 

प्राधिकरणको बार्षिकोत्सवको सन्दर्भमा बिहीबार काठमाडौंमा आयोजित सम्मान तथा पुरस्कार बितरण कार्यक्रममा उहाले प्राधिकरण घाटामा जाँदा र लोडसेडिङ हुँदा खुसी हुने जमात ठूलो रहेको र उनीहरुले विरोध गर्ने गरेको गुनासो गरेका हुन् । 

केहि जिम्मेवार पदाधिकारी लगाएतले जिम्मेवार ठाँउमा पुगेर प्राधिकरणको हिसावकितावप्रति आशंका व्यक्त गर्ने गरेको भन्दै घिसिङले महालेखा परिक्षकको ३ वटा संस्थाले अडिट गरेको हिसाव कसरी फेक हुन्छ भन्दै प्रश्न गरे । 

उनले प्राधिकरण सरकारको ठूलो संस्था भएकाले जिम्मेवारीपूर्वक नै काम गरिरहेको धारणा राख्नुभयो । त्यस्तै उहाले आठ बर्ष अघि ३५ अर्व सञ्चित घाटामा रहेको प्राधिकरण ४७ अर्व नाफामा पुग्नु ठूलो सुखद बिषय धारणाा राखे । 

नेपालको विधुत क्षेत्रमा ठूलो क्रान्ति भएको र अहिले सवै क्षेत्रमा विधुतिय गाडीहरु सञ्चालन हुन थालेको उनले बताए । घिसिङले बितरण प्रसारण र उत्पादनमा मात्रै प्राधिकरणले रु १ खर्व लगानी गरेको जानकारी पनि दिए । 

उनले आफ्नो दोश्रो कार्यकालको अन्तिम बार्षिकोत्सव मनाउने बर्ष भएको र अर्को बर्ष साउन २५ गते आफ्नो चार बर्षे कार्यअवधि समाप्त भएपछि प्राधिकरणबाट बिदा लिने बताए ।