सबै कुरा

बालेनको पोस्टले ‘कम्युनिटि गाइडलाइन्स’ उल्लङ्घन नगरेको पुष्टि, फेसबुकले फिर्ता गर्यो बालेनको हटाएको पोस्ट

सिधाकुरा

शुक्रबार, भदौ २१, २०८१

बालेनको पोस्टले ‘कम्युनिटि गाइडलाइन्स’ उल्लङ्घन नगरेको पुष्टि, फेसबुकले फिर्ता गर्यो बालेनको हटाएको पोस्ट

काठमाडौँ । काठमाडौँका मेयर बालेन शाहको हटेको पोस्ट फिर्ता भएको छ । फेसबुकले आफ्नो नियम उल्लङ्घन गरेको भन्दै हटाएको मेयर शाहको पोस्ट पुनः फिर्ता गरिदिएको हो ।

गत आइतबार मेयर शाहले आफ्नो फेसबुक पेजमा नेकपा एमालेबाट लुम्बिनी प्रदेश सांसद रहेकी रेखा कुमारी शर्माले विगत ८ वर्षदेखि घरमा एक बालिकालाई श्रम श्रोषण गरेको र आफूहरुले ति बालिकालाई उद्दार गरेपनि सरकारले सांसद शर्मालाई कारबाही नगरेको भन्दै पोस्ट गरेका थिए । उनले प्रधानमन्त्री केपी शर्मा ओली र सरकारका निकायले नै सांसद शर्मालाई जोगाएर राखेको भन्दै सामाजिक सञ्जालमा असन्तुष्ट व्यक्त गरेका थिए ।

सांसद शर्माको फोटोसहित राखिएको उक्त पोस्ट फेसबुकले ‘कम्युनिटि गाइडलाइन्स’ उल्लङ्घन गरेको भन्दै हटाइदिएको थियो भने बालेन शाहले उक्त पोस्टले कुनै नियम उल्लङ्घन नगरेको भन्दै ‘रिभ्यू’ गर्न अनुरोध गरेका थिए । बालेनको अनुरोधपश्चात फेसबुकले आफ्नो गल्तीका कारण पोस्ट हटेको भन्दै माफीसहित पोस्ट फिर्ता गरिदिएको छ ।

बाल श्रम शोषण गर्ने सांसदलाई कारबाही नभएपछि बालेनले ओलीलाई सोधे– कहिले समाउने ? कि नसमाउने ?’

बालेनले उच्च अदालतको आदेश देखाउँदै ओलीलाई भनेःकार्यकर्तालाई सामान्य ज्ञान दिएर राजनीतिमा लगाउनू !

प्रकाशित मिति: शुक्रबार, भदौ २१, २०८१

प्रतिक्रिया दिनुहोस्