रवि लामिछानेले न्यायाधीशलाई सोधे, ‘मलाई हिरासतमा राख्दा के नयाँ प्रमाण फेला पर्यो, हिरासत बाहिर राख्दा के प्रमाण नष्ट हुने रहेछ श्रीमान ?’
काठमाडौँ । राष्ट्रिय स्वतन्त्र पार्टीका सभापति रवि लामिछानेलाई थप ४ दिन हिरासतमा राख्न अदालतले अनुमति दिएको छ । कास्की जिल्ला अदालतका न्यायाधीश हिमलाल बेलबासेको इजलासले लामिछानेलाई थप ४ दिन हिरासतमा राख्न अनुमति दिएका हुन् ।
कास्की प्रहरीले अझै ४ दिनको म्याद माग्न पाउने भएकाले सरकारी वकिलको कार्यालयमा प्रतिवेदन बुझाएपनि अदालतमा मुद्दा पेश गर्नका लागि थप ४ दिन माग गर्न अदालत उपस्थित गराएको थियो । मंगलबार कार्यालय खुल्नासाथ अदालत लगिएका लामिछानेलाई ४ दिन हिरासतमा राख्न अनुमति दिएको हो ।
सरकारी वकिलले प्रतिवेदन बुझाउन समय लाग्ने भएको भन्दै प्रहरीले लामिछानेलाई हिरासतमा राख्न म्याद माग गरेको थियो । प्रहरीले म्याद माग गरेपछि सभापति लामिछानेले न्यायाधीशसामु एक जिज्ञासा दोहोर्याएका थिए । उनले आफूलाई पक्राउ गर्दा प्रहरीले के नयाँ प्रमाण भेटियो भन्दै न्यायाधीशसामु जिज्ञासा राखेका थिए । ‘म यत्तिका दिन त हिरासतमा बसिसकेँ, अनुसन्धानलाई सघाइसकेँ । यसलाई नथुनेको भए यो प्रमाण नष्ट हुन्थ्यो, यो चाहीँ कागज पाइँदैन थियो, पक्राउ गरेर जोखिमबाट बच्यो भन्ने कुराचाहीँ के छ ? भनेर मैले पटकपटक सोधेँ । जवाफ आजसम्म पाएको छैन ।’, न्यायाधीश बेलबासेको इजलासमा लामिछानेले भने, ‘यसलाई समाएका कारण हामीले यो जोगायौँ, अनुसन्धानमा यस्तो प्रमाण भेट्टायौँ भन्ने एउटा चिज देखाइदिए म सन्तुष्ट हुन्थेँ श्रीमान ।’
लामिछानेले राखेको जिज्ञासामा न्यायाधीश बेलबासेले ‘तपाईंको यो अनुभव पछि काम लाग्छ ।’ भन्दै जवाफ फर्काएका थिए ।
सहकारी प्रकरणमा कास्की प्रहरीमा रहेका लामिछानेलाई प्रहरीले मंगलबार आठौँ पटक म्याद थपका लागि कास्की जिल्ला अदालत उपस्थित गराएको थियो । लामिछानेमाथि मंसिर २७ गते सातौँ पटक थपिएको म्याद सोमबार सकिएको थियो । प्रहरीले आफूहरुले पाेखराकाे सुर्यदर्शन बचत तथा ऋण सहकारीकाे अनुसन्धान सकेर सरकारी वकिलको कार्यालयमा प्रतिवेदन बुझाएपनि अदालतमा मुद्दा पेश गर्नका लागि थप ४ दिन समय माग गर्न अदालत उपस्थित गराएको थियो ।
सहकारी प्रकरणमा पक्राउ परेका रविलाई ९० दिन हिरासतमा राख्नकै लागि सम्पत्ति शुद्धीकरणको मुद्दा जोडिएको उनका कानुन व्यवसायीहरुले दाबी गर्दै आएका छन् । प्रहरीले आज पनि सम्पत्ती शुद्धीकरणको मुद्दामा भएको व्यवस्था देखाएर म्याद थप मागेका थिए ।
असोज २ गते पक्राउ परेका गोर्खा मिडियाका पूर्व सञ्चालक छवि जोशीसहित लामिछानेको मुद्दा जोडिएकाले आज म्याद थपिएसँगै यो म्याद अन्तिम म्याद भएको छ । मंगलबार रवि लामिछानेका तर्फबाट वरिष्ठ अधिवक्ता नारायण घिमिरेले बहस गरेका थिए ।
लामिछानेमाथि पोखराको सूर्यदर्शन सहकारीको रकम अपचलनमा अनुसन्धान गरेर कास्की प्रहरीले साेमबार नै सरकारी वकिल कार्यालयमा प्रतिवेदनसमेत बुझाइसकेको छ ।
विपद् जोखिम न्यूनीकरणका लागि पूर्वतयारी गर्न सरकारलाई कृषि समितिको निर्देशन
प्रतिनिधिसभा अन्तर्गतको कृषि, सहकारी तथा प्राकृतिक स्रोत समितिले बाढीपहिरो डुबानलगायत मौसमजन्य उच्च जोखिममा रहेका क्षेत्रहरू पहिचान गरी विपद् जोखिम न्यूनीकरणका लागि पूर्वतयारी गर्न सरकारलाई निर्देशन दिएको छ । बिहीबार, असार १२, २०८२
बहुभाषिक पहिचान प्रवर्धनमा सरकार प्रतिबद्ध छ: पर्यटनमन्त्री
संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले बहुभाषिक पहिचान प्रवर्धनमा सरकार प्रतिबद्ध रहेको बताएका छन् । बिहीबार राष्ट्रियसभा बैठकमा सांसदहरुले सोधेका प्रश्नको जवाफ दिदै मन्त्री पाण्डेले सम्पूर्ण मातृभाषाहरू... बिहीबार, असार १२, २०८२
लागुऔषध नियन्त्रण अहिलेको चुनौती हो, अर्को वर्षभित्र विभाग स्थापना गर्छौँः गृहमन्त्री लेखक
गृहमन्त्री रमेश लेखकले आगामी आर्थिक बर्षभित्र लागू औषध नियन्त्रण बिभाग स्थापना गर्ने बताएका छन् । बिहीबार, असार १२, २०८२
सर्वोच्च अदालतका प्रस्तावित तीन न्यायाधीशविरुद्ध पाँच वटा उजुरी
संसदीय सुनुवाई समितिमा सर्वोच्च अदालतका प्रस्तावित तीन न्यायाधीशविरुद्ध पाँच वटा उजुरी परेका छन् । बिहीबार, असार १२, २०८२भर्खरै
- मानव–हात्ती द्वन्द्व : डेढ दशकमा ७२ जना र २५ हात्तीको मृत्यु
- यस्तो छ आजको सागसब्जी र फलफूलको थोक मूल्य
- आजकाे माैसम : देशभर वर्षाकाे सम्भावना
- आजको लागि विदेशी मुद्राको विनिमयदर
- जलवायु परिवर्तनको असर : बाह्रै महिना डेङ्गुको सङ्क्रमण देखिँदै
- सीसीटीभीले उजागर गरेको एउटा षड्यन्त्र !
- टिकटकर रमा बस्नेतलाई ३० हजार धरौटीमा छाेड्न अदालतको आदेश
- श्रम सञ्चार एप र वैधानिकीकरण श्रम स्वीकृति कार्यक्रमको शुभारम्भ
