हिन्दु युवाले मुस्लिम समुदायका लागि गरे इफ्तारीको आयोजना

वीरगंज । इस्लाम धर्मावलम्बीहरूको पवित्र महिना रमजानको अवसरमा वीरगंजका  हिन्दु युवाहरुले सामूहिक इफ्तारी कार्यक्रमको आयोजना गरेका छन् ।

Watch On

आपसी भाइचारा र धार्मिक सहिष्णुता अभिवृद्धि गर्ने उद्देश्यले वीरगंज आदर्शनगरस्थित बालाजी टी स्टलका सञ्चालक प्रेमकुमार गुप्ताले इस्लाम धर्मावलम्बीहरूका लागि इफ्तारको प्रबन्ध मिलाएका हुन् । 

शनिबार साँझ आयोजित उक्त इफ्तारी कार्यक्रममा मुस्लिम तथा हिन्दु समुदायका उल्लेख्य व्यक्तिहरूको उपस्थिति रहेको थियो। गुप्ताले फरक धर्म र संस्कृतिको सम्मान गर्दै धार्मिक सहिष्णुता कायम राख्न सानो प्रयासस्वरूप इफ्तार कार्यक्रम आयोजना गरिएको बताए ।

इफ्तारीका लागि सहभागीहरूमाझ खजुर, फलफूल, जुस, पानि, तथा अन्य पारम्परिक खाद्य सामग्रीहरूको व्यवस्था गरिएको थियो। कार्यक्रमका सहभागीहरूले गुप्ताको यो प्रयासले दुई धर्मका मानिसहरूबीचको सम्बन्ध अझ प्रगाढ बनाएको बताएका छन् ।

कार्यक्रममा स्थानीय समाजसेवी, व्यवसायी, युवा नेताहरू, र धार्मिक अगुवाहरूको समेत उपस्थिति रहेको थियो ।

सहभागीहरूले गुप्ताको सानो प्रयासले हिन्दू९मुस्लिम एकता र भाइचारा सन्देश फैलाउन ठूलो भूमिका खेलेको बताए । धार्मिक सहिष्णुता र आपसी सद्भावको यो प्रयासले वीरगंजजस्ता बहुसांस्कृतिक र बहुधार्मिक सहरहरूमा सकारात्मक उदाहरण प्रस्तुत गरेको स्थानीयहरूले बताएका छन् ।

गुप्ताले आगामी दिनमा पनि यस प्रकारका कार्यक्रमलाई निरन्तरता दिने बताए ।