उदयपुर । उदयपुरमा स्कोर्पियो दुर्घटना हुँदा एक जनाको मृत्यु भएको छ भने ६ जना घाइते भएका छन्।

मदन भण्डारी लोकमार्ग अन्तर्गत कटारी–गाईघाट सडक खण्ड अन्तर्गत कटारी नगरपालिका–६ सोमबारेमा  मे १ च ३०४० नम्बरको स्कर्पियो दुर्घटनामा दमक  नगरपालिका–३ का ५५ वर्षीय  माधव बस्नेतको मृत्यु भएको जिल्ला प्रहरी कार्यालय उदयपुरले जनाएको छ। मृत्यु हुने बस्नेत दमक नगरपालिकाको कानुनी सल्लाहकार रहेको प्रहरीले जनाएको छ।

घाइते दमक नगरपालिका –९  का  ३८  वर्षीय चालक देवेन्द्र तामाङ , , दमक १ का ४५ वर्षीय ज्ञानेन्द्र गौतम , दमक नपा ६ बस्ने ५४ को कमल श्रेष्ठ , दमक नपा २ बस्ने ३८  वर्षीय नवीन खतिवडा , गौरादह नगरपालिका १ बस्ने  ५४ वर्षीय भुवन दाहाल लाई कटारी प्रादेशिक अस्पतालमा उपचार पछि न्यूरो अस्पताल बिराटनगर रिफर गरिएको कटारी प्रादेशिक अस्पतालले जनाएको छ। साथै दमक १० बस्ने ४९ वर्षीय राजेन्द्र प्रसाद भण्डारीको अवस्था गम्भीर रहेको जनाइएको छ । 

घाइते भण्डारी दमक १० का वडा अध्यक्ष समेत हुन्। दमक नगरपालिकाको जनप्रतिनिधी र कर्मचारीको टोली १२ गते देखि पोखरा,पाल्पा ,लुम्बिनी भम्रणमा गएको टोली नवलपरासी हुँदै फर्किदा कटारीमा  दुर्घटना भएको चालक देवेन्द्र तामाङले बताए।

भ्रमणमा गएको टोली आज दमक फर्किदै गर्दा दुर्घटना भएको हो। स्कर्पियो अनियन्त्रित भएर दुर्घटना भएको ट्राफिक प्रहरी पोष्ट कटारीका इन्चार्ज विजय राईले जानकारी दिए ।