सबै कुरा

उपप्राध्यापक प्रेम चलाउनेमाथि कुटपिट गर्ने ६ जना दोषी ठहर, २ वर्ष कैद

सिधाकुरा

बिहीबार, मंसिर ७, २०८०

उपप्राध्यापक प्रेम चलाउनेमाथि कुटपिट गर्ने ६ जना दोषी ठहर, २ वर्ष कैद

काठमाडौं । उपप्राध्यापक प्रेम चलाउनेमाथि ज्यान मार्ने उद्योग गरेको आरोप लागेका ७ मध्ये ६ जना दोषी ठहर भएका छन् । उनीहरुलाई २ वर्ष कैद र २० हजार रुपैयाँ जरिवाना हुने फैसला भएको छ ।

उपप्राध्यापक प्रेम चलाउनेमाथि आक्रमणसम्बन्धी मुद्दामा जिल्ला अदालतका न्यायाधीश विनोद खतिवडाको इजलाले फैसला गरेको हो ।

बुधबार दिनभरि दुवैतर्फका वकिलहरुको बहस सुनेपछि न्यायाधीश खतिवडाले विहिबार फैसला गरेका हुन् ।

फैसलाले रुपेश शाह, रविनकुमार लामा, निरज रानामगर, सयुज श्रेष्ठ, हरि आचार्य र योगेन्द्र रावललाइ दोषी ठहर गरेको छ । उनिहरु नेपाली कांग्रेस निकट नेपाल विद्यार्थी संघका कार्यकर्ता हुन् ।

यस्तै चलाउनेले दाबी गरेको उपचार खर्चवापतको २८ लाख १७ हजार ५९३ रुपैयाँ कसुरदारबाट दामासाहीले असुल गर्ने पनि फैसला भएको छ ।

त्रिभुवन विश्वविद्यालय समाजशास्त्र विभागका उपप्राध्यापक चलाउनेमाथि २०७७ असाेज २० गते निर्घात कुटपिट गरेका थिए ।

आफूमाथि आक्रामण भएको केही दिनमा नै चलाउनेले ७ जनालाई प्रतिवादी बनाएर जिल्ला अदालतमा मुद्दा दायर गरेका थिए । सर्वोच्च अदालतले गत ९ साउनमा यो मुद्दालाई यथाशीघ्र टुंगो लगाउन जिल्ला अदालतलाई आदेश गरेको थियो ।

प्रकाशित मिति: बिहीबार, मंसिर ७, २०८०

प्रतिक्रिया दिनुहोस्