देश निर्वाचनमय छ तर मेरो तीन वटा अदालतमा मुद्दा सुनवाई चलिरहेको छ: रवि

अदालतमा चलिरहेको मुद्दाका कारण आफू निर्वाचनको रौनकबाट टाढा रहेको भन्दै रास्वपा सभापति रवि लामिछानेले दुःख व्यक्ति गरेका छन् । केहीबेर अघि सामाजिक सञ्जाल फेसबुकमा लामो स्टाटस लेख्दै सभापति लामिछानेले यस्तो बताएका हुन् ।

Watch On

 ‘देश निर्वाचनमय छ तर मेरो तीन वटा अदालतमा  मुुद्दा सुनुुवाई चलिरहेको छ । भर्खरै पर्सा जिल्ला  अदालतबाट निश्किएँ ’ सभापति लामिछानले भनेका छन्, ‘आजै देशका तीनवटा (पर्सा ,काठमाण्डौ र रूपन्देही)  अदालतमा मेरो मुद्दाको सुनवाई चलिरहेको छ ।

अरू अदालतको आदेश आउँदै होला । पर्सा जिल्ला अदालतबाट म भर्खर निस्किएको छु । चितवन-२ मा मेरा शुभचिन्तक बाटो कुरीरहेका छन्, भ्याएसम्म मनोनयनका लागि आफै उपस्थित हुने प्रयासमा छु। नसकेको खण्डमा वारेस मार्फत मनोनयन दर्ता हुनेछ। ’ 

यस्ताे छ रास्वपा सभापति रवि लामिछानेले लेखेकाे स्ट्याटस

देश निर्वाचनमय छ । देशभर मनोनयन दर्ताको रौनक चलिरहेको छ । तर बिडम्बना, यो उत्साहमा म पूर्ण उत्साहित भएर मिसिन सकिरहेको छैन । किनकी आजै देशका तीनवटा (पर्सा, काठमाण्डौ र रूपन्देही) अदालतमा मेरो मुद्दाको सुनुवाई चलिरहेको छ । अरू अदालतको आदेश आउदै होला । पर्सा जिल्ला अदालतबाट म भर्खर निस्किएको छु । चितवन-२ मा मेरा शुभचिन्तक बाटो कुरीरहेका छन्, भ्याएसम्म मनोनयनका लागि आफै उपस्थित हुने प्रयासमा छु। नसकेको खण्डमा वारेस मार्फत मनोनयन दर्ता हुनेछ।

म माथी गरेको पाप र अत्याचारको हिसाव किताब नेपाली जनताले फागुन २१ मा घण्टी बजाएर दिनेछन् ।देशका सम्पूर्ण अपराधीहरू एक ठाउँमा जम्मा भएर म माथि गरेको अत्याचारका कारण तिमीहरू सब रसातलमा पुग्दै गरेको दृश्य इतिहासले देख्दैछ र लेख्दैछ । नभएको प्रमाण छ भन्ने, पापी हौ तिमीहरू । सहकारीको बाटै नहिडेको मान्छेलाई गनेरै नभ्याइने मुद्दै मुद्दा लगाउने अत्याचारी हौ तिमीहरू । मलाई जिउँदो छोडेर तिमीहरुले एउटा गुण लगाएका छौँ। म तिमीहरू सबैको गुण तिर्छु, चाँडै तिर्छु,बिना प्रतिशोध तिर्छु।

फेरि पनि भन्छु म अभिमन्यु होइन।