राष्ट्रिय  जीवन बीमा कम्पनीमा ट्रेड युनियनको दादागिरी, सिईओको कार्यकक्षमा टेबल फोडाफोड

काठमाडौँ । राष्ट्रिय जीवन बीमा कम्पनीमा कर्मचारी ट्रेड युनियनका नेताहरुको दादागिरीको भिडियो सार्वजनिक भएको छ । 

आफूहरुको स्वार्थअनुसारको काम नगरेको भन्दै नेपाली काँग्रेस र नेकपा एमाले सर्मथक कर्मचारी संगठनका नेताहरुले प्रमुख कार्यकारी अधिकृतको कार्यकक्षमा बितण्डा मच्चाएका हुुन् । 

Watch On

कम्पनीको हित बिपरित गलत काम गर्न नमाने पछि ट्रेड युनियनका नेताहरुले आफ्नो कार्यकक्षमा धक्कामुक्की गरेको र टेबल तोडफोड गरेको कम्पनीका कार्यकारी प्रमुख (सिईओ) सुन्दर पन्थीले सिधाकुरालाई बताए । 

‘यो घटना २५ गते सोमबारको हो । म कार्यकक्षमा थिएँ । कर्मचारीको सेवा सुविधा थप नगरेको विषयमा म र मेरो कार्यकक्षमा आक्रमण भयो’ सिइयो पन्थीले सिधाकुरासँग भने,‘कानुन र सरकारले नदिएको नाजायज सेवा सुविधा मैले दिन सक्दिन थिएँ र सकिन । म त्यसैको तारो भएँ ।’

सिइयो पन्थीकाअनुसार अधिवेसन समेत नगरेका र वैधानिकतामै प्रश्न रहेका युनियनका  अधिकारीहरुले आफू्नो कार्यकक्षा तोडफोड गरेको पनि उनले सिधाकुरालाई बताए । 

पन्थीकाअनुसार अडिटका पुराना फाइल केलाएर अघि बढाए पछि आक्रमण भएको छ । सिधाकुरालाई प्राप्त सिसिटिभी भिडियोअनुसार छलफल भइरहेको कार्यकक्षमा छिरेका ट्रेड युनियनका नेताले टेबल तोडफोड गरेको देखिन्छ । 

सिसिटिभी फुुटेजमा आवाज नसुनिए पनि त्यहाँ गालीगलौज समेत भएको भएको सिईयो पन्थीले बताए । 

घटनामा संलग्न को को ? 

स्रोतकाअनुसार कम्पनीका अफिसर केशव बजगाईं, सहायक स्तरका कर्मचारी श्रवणकृष्ण श्रेष्ठ, अफिसर विशाल तिमल्सिना, नेपाली काँग्रेस सर्मथित ट्रेडयुनियनका नेता अर्जुन पराजुली सो घटनामा संलग्न थिए । 
सो तोडफेड स्थलमा कम्पनीका डिसिइयो महेश रिमाल र कम्पनी सचिव भोलानाथ घिमिरे पनि थिए । तर, उनीहरुको भूूमिका के थियो भन्ने स्पष्ट खुुलेको छैन् । 

घटनाबारे जानकार एक कनिष्ट कर्मचारीले सिधाकुरासँग कुरा गर्दै सबै जना मिलेर सिइयो पन्थीमाथि दुव्र्यवहार भएको हो ।

घटनामा संलग्न मध्येका एक बिशाल तिमल्सिनाले सिधाकुरासँग कुरा गर्दै यो बारेमा धेरै टिप्पणी गर्न जरुरी नभएको बताए । 

‘ट्रेड युनियनको विषयमा कुरा भएको हो । यसबारे अहिले म बोल्न सक्दिन । पछि कुरा गरौँला ।’

घटनाबारे छोटोमा भए पनि कुरा गरौँ न भन्दा उनले अर्को एक नम्बरमा अर्जुन पराजुलीसँग कुरा गर्न भन्दै नम्बर टिपाए तर त्यो नम्बर गलत मान्छेको भएको पाइयो ।