दीपक भट्ट, सुलभ अग्रवाल, शरद ओझा लगायतविरुद्ध ३ वटा अदालतमा मुद्दा दायर

काठमाडौँ । दीपक भट्ट, सुलभ अग्रवाल, शेखर गोल्छा लगायतविरूद्ध ३ वटा अदालतमा छुट्टाछुट्टै मुद्दा दायर भएको छन् । 

सम्पत्ति शुद्धीकरण विभाग र केन्द्रीय अनुसन्धान ब्युरो (सिआइबी) को अनुसन्धानपछि जिल्ला अदालत काठमाडौं, उच्च अदालत पाटन र विशेष अदालतमा छुट्टाछुट्टै मुद्दा दायर भएका हुन् ।

Watch On

जिल्ला अदालत काठमाडौंमा दुई वटा छुट्टाछुट्टै अभियोगपत्र दायर भएका छन्।

बीमा ऐन, २०७९ अन्तर्गत आर्थिक हिनामिना गरेको अभियोगमा गोल्छा, भट्ट, अग्रवालसहित ४२ जनाविरूद्ध मुद्दा दायर भएको छ।

यसमा नेपाल बीमा प्राधिकरणका तत्कालीन अध्यक्ष शरद ओझा र मदन दाहालविरूद्ध पनि मुद्दा दायर भएको छ। बिगो पनि छुट्टाछुट्टै मागदाबी गरेको छ।

हिमालयन रिइन्स्योरेन्स लिमिटेडका गोल्छा सहित १० जनाविरूद्ध दुई अर्ब ७३ करोड ३३ लाख १५ हजार १६० रुपैयाँको बिगो कायम गरेको छ।

नेपाल माइक्रो इन्स्योरेन्स कम्पनीका अध्यक्ष आशिष श्रेष्ठ सहित ९ जनाविरूद्ध १६ करोड १७ लाख ५२ हजार ८७३ रुपैयाँ बिगो कायम छ।

त्यस्तै भृकुटी ब्रोकिङ कम्पनीका सन्दिप चाचान अग्रवाल, सुधा कर्ण र राजिब ठाकुर, शुलभ अग्रवालविरूद्ध ३ अर्ब ७३ करोड ८५ लाख २४ हजार २२७ रुपैयाँको बिगो कायम छ।

भट्टसँग दुई अर्ब ८९ करोड २० लाख ४८ हजार ८३९ रुपैयाँ बिगो कायम गरिएको छ। अन्य प्रतिवादीहरूको पनि छुट्टै बिगो उल्लेख छ।

यसैगरी धितोपत्र सम्बन्धी ऐन, २०६३ अनुसारको कसुरमा ८१ जना प्रतिवादी छन्। यो मुद्दा पनि जिल्ला अदालतमा दायर भएको छ।

सम्पत्ति शुद्धीकरण विभागले अर्को मुद्दा भट्ट र अग्रवालविरूद्ध विशेष अदालतमा दायर गरेको छ।

उच्च अदालत पाटनमा भने भट्ट, शाहिल अग्रवाल, शुलभ र शंकरलाल अग्रवालविरूद्ध बैंकिङ कसुरको मुद्दा दायर गरेको छ। बैंकिङ कसुर मुद्दामा ४२ करोड १४ लाख ८८ हजार ८ सय ७ रुपैयाँ बिगो कायम गरेको छ।