सोमबारभित्र ठाउँ खाली गर्न भनेपछि कीर्तिपुरस्थित होल्डिङ सेन्टरका सुकुम्बासी आक्रोशित (तस्बिरहरु)

काठमाडौँ । कीर्तिपरस्थित राधास्वामी सत्सङ्ग होल्डिङ सेन्टरमा राखिएको सुकुम्बासी हरुलाई सोमबार भित्र ठाउँ खाली गर्न भनिएपछि त्यहाँ बसोबास गर्दै आइरहेका सुकुम्बासी आक्रोशित भएका छन्। एक सुचना जारी गर्दै ठाउँ खाली गर्न आग्रह गरेपछि उनीहरु आक्रोशित बनेका हुन्। उक्त सेन्टरमा बागमती सभ्यता एकीकृत विकास समितिले त्यहाँ रहेका मानिसहरुलाई आफ्नो बैंक खाताको विवरण माग गरेको पनि छ । तर उनीहरुले सरकारले उपलब्ध गराउँने राहात नलिने भन्दै बैंक खाता हालसम्म उपलब्ध गराएका छैनन् । भने सरकारले उपलब्ध गराउँने भनेको २५ हजार रुपैयाँ पहिलो राहात बाफता रकम नलिने अडानमा उनीहरु छन्।  सरकारले ब्याबस्थित बसोबासमा राख्न न सक्ने भएर हटाउनको लागी बैंक विवरण मागेको उनीहरुको बुझाइ छ । त्यस्तै सरकारले पाँच दिनभित्र २५ हजार रुपैयाँ लिएर आफैँ व्यवस्थापन गर्न र होल्डिङ सेन्टर छोड्न बाध्यकारी दबाब दिएपछि पीडितहरू आक्रोशित बनेका छन। सुकुमवासीहरुले सरकारको यो शैलीमा असन्तुष्टि जनाउँदै किर्तिपुरस्थित होल्डिङ सेन्टरबाहिर ‘पीडितहरूको सरोकार’ पत्र टाँस गरेका छन् । उनीहरूले स्थायी विकल्प र बस्ने ठाउँ नदेखाइ जबरजस्ती निकालिएमा आफूहरू पुरानै बस्तीमा फर्केर छाप्रो हाल्न बाध्य हुने चेतावनी दिएका छन् । सुकुम्बासीले पाँच बुदामा आफ्ना माग प्रस्तुत गरेका छन्।

तस्बिरः नेपाल फोटो लाइब्रेरी

Watch On