समाज

सभापतिको निर्देशनपछि मधेश झर्दै रास्वपाका सांसद

सिधाकुरा

शुक्रबार, साउन १५, २०८३

सभापतिको निर्देशनपछि मधेश झर्दै रास्वपाका सांसद

काठमाडौँ । राष्ट्रिय स्वतन्त्र पार्टीका सांसदहरु मधेशतिर झरेका छन् । कोही स्थलमार्ग त कोही हवाई मार्गबाट मधेश प्रदेशतिर लागेका हुन् ।

सभापति रबि लामिछानेले कोशी र मधेशका सांसदलाई बिहीबार आ आफ्नो क्षेत्र र जिल्ला गएर सामाजिक सदभाव र राष्ट्रिय एकता कायम गर्नका लागि भूमिका खेल्न भनेका थिए । उनले पछिल्लो परिस्थितिमा नागरिकसँग सम्वाद गर्न सांसदहरुलाई आफ्नो सुरक्षाको ख्याल गरी भरसक जिल्ला जान भनेका थिए । सभापतिको निर्देशनअनुसार सांसदहरु जिल्लातिर लागेका छन् ।

Watch On

महोत्तरी ३ बाट निर्वाचित सांसद दिपक साहले सुरक्षाको प्रबन्ध गरी सांसदहरु जिल्लातिर लागेको बताए । साह आफै पनि जिल्ला जाँदैछन् । अहिलेसम्म अवस्था ठिक रहेको र माहोल नभड्कियोस् भनेर पूर्वतयारीका लागि आफू क्षेत्र जान लागेको उनले बताए । 'माननीय साथीहरु आफ्नो अनुकूलता सुरक्षा हेरी गइरहनुभएको छ । नजानुभएकोले यहीबाट समन्वय गरिरहनुभएको छ । म पनि जाने तयारीमा छु । स्थिति सामान्यीकरणका लागि साथीहरुले समन्वय गरिरहनुभएको छ,' उनले भने ।

पूर्वउपसभामुख एवं झापा २ की सांसद इन्दिरा रानामगर विहानै जनकपुर पुगेकी छिन् । विगतमा धनुषा, सिरहादेखि सप्तरीसम्म सामाजिक सेवाका लागि काम गरेकी राना आफ्नो नेटवर्कमार्फत सम्वाद र पहल गर्न मधेश झरेकी हुन् ।

प्रकाशित मिति: शुक्रबार, साउन १५, २०८३

प्रतिक्रिया दिनुहोस्