सबै कुरा

गठबन्धनको ध्यान सत्ता टिकाउनेमा मात्रै केन्द्रित छ : केपी ओली

सिधाकुरा

शनिबार, माघ २०, २०८०

गठबन्धनको ध्यान सत्ता टिकाउनेमा मात्रै केन्द्रित छ : केपी ओली

काठमाडाैँ । नेकपा एमालेका अध्यक्ष केपी शर्मा ओलीले गठबन्धनको ध्यान सत्ता टिकाउनेमा मात्रै केन्द्रीत रहेको आरोप लगाएका छन् ।

Watch On

संसद भवन नयाँ बानेश्वरमा शनिबार बसेको एमाले संसदीय दलको बैठकलाई सम्बोधन गर्दै अध्यक्ष ओलीले वर्तमान सरकारले देश र जनताका लागि केहि गर्न नसकेको र गठबन्धनको ध्यान सत्ता टिकाउनेमा मात्रै केन्द्रीत रहेको बताएका हुन् ।

गठबन्धनको राजनीति सत्तादेखि सत्तासम्ममात्रै भएको उनको दावी छ । अध्यक्ष ओलीले सरकारले नै भ्रष्टाचारलाई प्रश्रय दिइरहेको आरोप पनि लगाए । ल्हारक्याल लामालाई लुम्बिनी विकास कोषको उपाध्यक्ष बनाउदै रामग्राम परियोजना निजी कम्पनीलाई दिदा ठूलो भ्रष्टाचार भएको भन्दै जग्गा प्रकरणमा पक्राउ परेका अरुण चौधरीलाई हिरासतमा नभई अस्पतालमा राखिएको प्रति प्रति आपत्ति जनाए ।

एमाले नेतृत्वमा तस्करीमा छानविन गरेर जेल हालेकालाई पनि अहिले सरकारले छुटाइरहेको उनको भनाइ छ । उनले दिगो विकास लक्ष्य भेट्न अघि बढिरहेका बेला रेमिटयान्समा सरकारको ध्यान रहेको तर्क गर्नुभयो ।

अध्यक्ष ओलीले सरकारलाई सत्ताको दुरुपयोग गर्न नदिन एमाले सांसदहरुको भूमिका प्रभावकारी हुनुपर्ने धारणा राखे । संसदीय दलको बैठक दुईदिनसम्म चल्ने एमालेले जनाएको छ ।

प्रकाशित मिति: शनिबार, माघ २०, २०८०

प्रतिक्रिया दिनुहोस्