समाज

आज पापांकुशा एकादशी, टीका र जमरा पनि लगाइँदै

सिधाकुरा

बिहीबार, कात्तिक ५, २०८३

आज पापांकुशा एकादशी, टीका र जमरा पनि लगाइँदै

काठमाडौं । बडादशैंको टीका र जमरा लगाउने क्रम आज एकादशीका दिन पनि जारी छ। विजयादशमीका दिन टीका लगाउन नभ्याएका तथा टाढा रहेका आफन्तकहाँ पुग्न नसकेकाहरूले कोजाग्रत पूर्णिमासम्म मान्यजनबाट टीका, जमरा र आशीर्वाद ग्रहण गर्ने परम्परा छ।

Watch On

नेपालीले आश्विन शुक्ल प्रतिपदादेखि पूर्णिमासम्म १५ दिन बडादशैं मनाउने गर्छन्। घटस्थापनाका दिन दशैंघर वा पूजाकोठामा स्थापना गरिएको घडाको जलबाट अभिषेक गरी विजयादशमीका दिन देवी विसर्जनपछि टीका र जमरा लगाउने क्रम सुरु हुन्छ।

टीका लगाउने समय र परम्परा भने स्थानअनुसार फरक रहेको छ। नेपाल पञ्चाङ्ग निर्णायक विकास समितिका पूर्वसदस्य वेदमणि भट्टराईका अनुसार पूर्वी र मध्य नेपालका धेरै ठाउँमा कोजाग्रत पूर्णिमासम्म टीका लगाउने चलन छ भने पश्चिम नेपालका कतिपय ठाउँमा दुर्गा विसर्जन गरेकै दिन टीका लगाउने परम्परा छ।

उनका अनुसार नेपाली समाजमा क्षेत्र र परिवेशअनुसार फरक परम्परा रहेकाले टीका लगाउने चलनलाई लिएर अन्यथा मान्नु हुँदैन।

यसैबीच, आज आश्विन शुक्ल एकादशीलाई पापाङ्कुशा एकादशीका रूपमा मनाइँदैछ। धार्मिक मान्यताअनुसार यस दिन व्रत बस्दा विगतमा जानी–नजानी गरिएका पापबाट मुक्ति मिल्ने विश्वास गरिन्छ।

प्रकाशित मिति: बिहीबार, कात्तिक ५, २०८३

प्रतिक्रिया दिनुहोस्