डलरको भाउ स्थिर, युरो र पाउन्डसहित अधिकांश विदेशी मुद्रा सस्तिए

काठमाडौँ । नेपाल राष्ट्र बैंकले सोमबारका लागि निर्धारण गरेको विदेशी मुद्राको विनिमयदरमा अमेरिकी डलरको भाउ स्थिर रहेको छ । युरोपियन युरो, बेलायती पाउन्ड, स्वीस फ्र्याङ्कसहित अधिकांश विदेशी मुद्राको मूल्य भने घटेको छ ।

Watch On

राष्ट्र बैंकका अनुसार अमेरिकी डलर एकको खरिददर १४९ रुपैयाँ ९६ पैसा र बिक्रीदर १५० रुपैयाँ ५६ पैसा कायम छ । अघिल्लो दिन पनि डलरको यही दर थियो । भारतीय रुपैयाँ १०० को खरिददर १६० रुपैयाँ र बिक्रीदर १६० रुपैयाँ १५ पैसा पनि यथावत् छ ।

आज युरोपियन युरो एकको खरिददर १६७ रुपैयाँ १२ पैसा र बिक्रीदर १६७ रुपैयाँ ७८ पैसा छ । अघिल्लो दिनको तुलनामा यसको खरिददर ४२ पैसा र बिक्रीदर ४३ पैसा घटेको हो । युके पाउन्ड स्टर्लिङको खरिददर २०० रुपैयाँ २० पैसा र बिक्रीदर २०१ रुपैयाँ एक पैसा कायम भएको छ । यसको खरिददर ५४ पैसा र बिक्रीदर ५४ पैसा घटेको छ ।

स्वीस फ्र्याङ्कको खरिददर ४३ पैसा र बिक्रीदर ४३ पैसा घटेर क्रमशः १८२ रुपैयाँ ७६ पैसा र १८३ रुपैयाँ ४९ पैसा कायम भएको छ । अष्ट्रेलियन डलरको खरिददर र बिक्रीदर दुवै ६ पैसा घटेका छन् भने क्यानेडियन डलरको दुवै दर ३८ पैसा घटेका छन् । सिङ्गापुर डलरको खरिददर र बिक्रीदर १४–१४ पैसा घटेको छ ।

जापानी येन १० को खरिददर र बिक्रीदर एक–एक पैसा घटेको छ । चिनियाँ युआनको दुवै दर दुई–दुई पैसा घटेको छ । साउथ कोरियन वन १०० को खरिददर ११ रुपैयाँ र बिक्रीदर ११ रुपैयाँ चार पैसा कायम भएको छ । अघिल्लो दिनको तुलनामा यसको दुवै दर आठ–आठ पैसा घटेको हो ।

थाई भाटको बिक्रीदर एक पैसा घटेर चार रुपैयाँ ४८ पैसा कायम भएको छ भने खरिददर चार रुपैयाँ ४७ पैसा यथावत् छ । स्वीडिस क्रोनरको खरिददर र बिक्रीदर दुई–दुई पैसा घटेका छन् । डेनिस क्रोनरको भने दुवै दर छ–छ पैसा बढेका छन् ।

साउदी अरेबियन रियाल, कतारी रियाल, युएई दिराम, मलेसियन रिङ्गेट, कुवेती दिनार, बहराइन दिनार र ओमनी रियालको विनिमयदर अघिल्लो दिनकै बराबर छ । हङकङ डलरको खरिददर यथावत् रहे पनि बिक्रीदर एक पैसा घटेको छ ।

राष्ट्र बैंकले विनिमयदर आवश्यकतानुसार जुनसुकै समयमा संशोधन गर्न सकिने जनाएको छ । वाणिज्य बैंकले तोक्ने विनिमयदर भने फरक हुनसक्ने र अद्यावधिक दर केन्द्रीय बैंकको वेबसाइटमा उपलब्ध हुने जनाएको छ ।