सबै कुरा

आइसिसी लिग–२ : नेदरल्याण्ड्सलाई चौथो झट्का, ललितले लिए २ विकेट

सिधाकुरा

शनिबार, फागुन ५, २०८०

आइसिसी लिग–२ : नेदरल्याण्ड्सलाई चौथो झट्का, ललितले लिए २ विकेट

काठमाडाैँ । आइसिसी लिग–२ अन्तर्गत आफ्नो दोस्रो खेलमा नेपालले अहिले नेदरल्याण्ड्सविरूद्ध बलिङ गरिरहेको छ । खेलको १९.१ ओभरमा नेपालले चार सफलता हात पारिसकेको छ । कीर्तिपुरस्थित त्रिवि क्रिकेट मैदानमा टस जितेर नेपालले पहिला बलिङ गर्ने निर्णय गरेको थियो ।

Watch On

नेदरल्याण्ड्सले केहीबेर अघिसम्म १९.२ ओभरमा तीन विकेट गुमाएर ६७ रन बनाएको छ । नेदरल्याण्ड्सका माइकल लेभिट, म्याक्स ओडाउड, स्याब्राण्ड ऐङ्गेलबे्रेक्ट र बास डि लिडे पवेलियन फर्केका छन् । लेभिटलाई सोमपाल कामीले आउट गरे । उनले तीन बलको सामना गरेपनि रन भने बनाउन सकेनन् । यस्तै ओडाउडले २१ बलमा १० रन बनाए । उनी रन आउट भए । यसैगरी ऐङ्गेलबे्रेक्ट ३५ बल खेल्दै २३ रनमा आउट भएका छन् । उनलाई ललितनारायण राजवंशीले आउट गरेका हुन् । त्यस्तै लिडेलाई पनि ललितले नै बोल्ड गरेका हुन् ।

नेदरल्याण्ड्विरुद्धको खेलमा दीपेन्द्रसिंह ऐरीलाई नेपाली टोलीमा समावेश गरिएको छ । नेपाली टोलीमा रोहितकुमार पौडेल (कप्तान), आसिफ शेख, कुशल भुर्तेल, कुशल मल्ल, अनिलकुमार साह, भीम सार्की, गुल्सन झा, सोमपाल कामी, ललितनारायण राजवंशी र देव खनाल रहेका छन् । यसअघि नेपाल पहिलो खेलमा नामिबियासँग चार विकेटले पराजित भएको थियो ।

प्रकाशित मिति: शनिबार, फागुन ५, २०८०

प्रतिक्रिया दिनुहोस्