सबै कुरा

'प्रचण्डबाट धोका खानेहरु सबै एकठाउँमा उभिए के हुन्छ ?' -नेपाली कांग्रेस

सिधाकुरा

बिहीबार, फागुन २४, २०८०

'प्रचण्डबाट धोका खानेहरु सबै एकठाउँमा उभिए के हुन्छ ?' -नेपाली कांग्रेस

काठमाडौँ । नेपाली कांग्रेसका मुख्य सचेतक रमेश लेखकले एकतर्फीरुपमा प्रधानमन्त्रीले अविश्वासनीय तवरले गठबन्धन तोडेको आरोप लगाएका छन् ।

Watch On

बिहीबार प्रतिनिधिसभाको बैठकलाई सम्बोधन गर्दै लेखकले मुलुकमा दिगो शान्ति, सुशासन, संविधानको रक्षाका साथै विकास र समृद्धि प्राप्त गर्न गठबन्धन बनाउने सहमति भएपनि प्रधानमन्त्रीले गठबन्धनको मूल्य र मान्यतालाई भत्काएर एकतर्फीरुपमा अविश्वासनीय तवरले विश्वास तोडेको आरोप लगाएका हुन् ।

निर्वाचनका समयमा नेपाली जनताका बीचमा बोलेका बाचा, प्रतिज्ञाहरुलाई वेवास्ता गर्दा कांग्रेसप्रति मात्रै नभई संघीय लोकतान्त्रिक गणतान्त्रिक व्यवस्थाका विरुद्ध कुठराघात भएको उनले बताए ।

त्यस्तै उनले गठबन्धन तोडेर प्रधानमन्त्रीले जनताको पनि अपमान गरेको जिकिर गरे । लेखकले कपोकल्पित कथा बुनेर आफ्नो जिम्मेवारीबाट भाग्ने, गठबन्धनलाई भत्काउने र अविश्वसनीय काम गरेकाले यो राजनीतिक बेइमानी भएको आरोप लगाए ।

उनले निरन्तर गठबन्धन भत्काउने र सरकार बनाउने खेलका कारण मुलुकमा राजनीतिक स्थीरता हुन नसक्ने जिकिर गरे । लेखकले माओवादीले सवै दललाई धोका दिइसकेको भन्दै धोका पाएका एकैठाउँ उभिए के हुन्छ भन्दै प्रश्न गरे ।

प्रकाशित मिति: बिहीबार, फागुन २४, २०८०

प्रतिक्रिया दिनुहोस्