सबै कुरा

भरत ताल निर्माणमा भ्रष्टाचार गरेको आरोपमा बागमतीका मेयर, उपमेयरसहित ६ जनाविरुद्ध मुद्दा दर्ता

सिधाकुरा

मंगलबार, जेठ २९, २०८१

भरत ताल निर्माणमा भ्रष्टाचार गरेको आरोपमा बागमतीका मेयर, उपमेयरसहित ६ जनाविरुद्ध मुद्दा दर्ता

काठमाडाैँ । अख्तियारले सर्लाहीको बागमती नगरपालिकाका मेयर भरतकुमार थापाविरुद्ध अर्को भ्रष्टाचार मुद्दा दायर गरेको छ । आयोगले भरत ताल निर्माण गर्दा ३० करोड २९ लाख रुपैयाँ अनियमितता भएको भन्दै मेयर थापासहित ६ जनाविरुद्ध विशेष अदालतमा मुद्दा दायर गरेको हो ।

Watch On

अख्तियारले मेयरसहित उपमेयर लीलाकुमार मोक्तान, तत्कालीन प्रमुख प्रशासकीय अधिकृत बिमलकुमार पोखरेल, योजना शाखा प्रमुख इन्जिनियर सागर पौडेल र लेखा अधिकृत विश्वराज पोखरेलविरुद्ध ३० करोड २९ लाख रुपैयाँ बिगो मागदाबी गर्दै मुद्दा दायर गरेको हो । त्यस्तै अख्तियारले जिल्ला समन्वय समिति सर्लाहीका तत्कालीन प्रमुख मेथुर चौधरी विरुद्द पनि भ्रष्टाचार मुद्दा दायर गरेको हो ।

आयोगले सर्लाहीको बागमती नगरपालिका वडा नं ४ र १२ मा रहेको भरत ताल निर्माण गर्दा उत्खनन् भएको ढुंगा, गिटी, बालुवा लगायत सामानको बिक्री वितरणमा ३० करोड २९ लाख ३४ हजार ८९७ रकम हिनामिना तथा दुरुपयोग गरेको भन्दै मुद्दा दायर गरेको हो ।

मेयर थापाविरुद्ध यसअघि नै अख्तियार दुरुपयोग अनुसन्धान आयोगले अवैधानिक तरिकाले ५ करोड ३३ लाख रुपैयाँ कमाएको दाबी गर्दै विशेष अदालतमा मुद्दा दायर गरेको छ । त्यसयता उनी निलम्बनमा छन् ।

प्रकाशित मिति: मंगलबार, जेठ २९, २०८१

प्रतिक्रिया दिनुहोस्