सिमलताल दुर्घटना अध्ययन समिति लियाे कुरिनटारमा रहेका उपकरण र जनशक्तिकाे जानकारी

काठमाडाैँ । नारायणगढ मुग्लिङ सडक खण्डको सिमलतालमा भएको बस दुर्घटनाबारे अध्ययन समितिले ससस्त्र प्रहरी बल बिपद् व्यवस्थापन तालिम शिक्षालय कुरीनटारमा रहेको उपकरणहरु र जनशक्तिका बारेमा जानकारी लिएको छ ।

Watch On

गत असार २८ गते बिहान करीब साढे ३ बजे पहिरोले बगाएर २ वटा बस र यात्रु त्रिशुली नदीमा हराएपछि गृह मन्त्रालयले घटना बारे अध्ययन गर्न सहसचिव छवि रिजालको संयोजकत्वमा समिति बनाएको थियो । उक्त समितिले कुरीनटारमा रहेको बिपद् ब्यबस्थापन तालिम शिक्षालयमा के कस्ता उपकरणहरु र जनशक्ती रहेका छन् भन्ने बारे जानकारी लिएको हो । शिक्षालयमा रहेका उपकरणहरुको जानकारी लिँदै समितिले अबको आवश्यकताका बारेमा पनि जानकारी लिएको समितिका सयोजक छवि रिजालले बताए । संयोजक रिजालले नेपालको नदीको तिव्र बहाब, गहिराई र धमिलो पानीमा पनि काम गर्न सक्ने आधुनिक उपकरणहरुको आवश्यकताका बारेमा प्रतिबेदनमा उल्लेख गर्ने बताए । 

उनले प्रतिबेदनको खाका तयार भई सकेको र गृह सचिव समय मिलाएर सरोकारवालाहरु समेतको उपस्थितिमा सार्वजनिक गर्ने बताए । सो क्रममा ससस्त्र प्रहरी बल बिपद् ब्यबस्थापन तालिम शिक्षालय कुरीनटारका एसपी जनक पुरीले शिक्षालयमा भएका उपकरणहरु २०६९ सालमा आएको र त्यस पछि उपकरणहरुको अपग्रेट नभएको बताउँदै अब त्यो भन्दा अत्याधुनिक उपकरणहरुको आवश्यकता रहेको बताए ।