सबै कुरा

अति भारी वर्षाको जोखिम रहेका यी ३४ जिल्लामा रात्रि बस नचलाउन अनुरोध

सिधाकुरा

मंगलबार, साउन २२, २०८१

अति भारी वर्षाको जोखिम रहेका यी ३४ जिल्लामा रात्रि बस नचलाउन अनुरोध

काठमाडौं । जल तथा मौसम विज्ञान विभागले अति भारी वर्षाका कारण उच्च जोखिममा रहेका ३४ जिल्लामा आज र भोलि रात्रिकालीन बस नचलाउन अनुरोध गरेको छ ।

Watch On

विभागले आज र भोलि देशका विभिन्न स्थानमा भारी र अति भारी वर्षा हुन सक्ने जनाएको छ । ति जिल्लाहरुमा वर्षाका कारण विपदको जोखिम हुन सक्ने रात्रिकालीन बस नचलाउन अनुरोध गरेको हो ।

प्राधिकरणले रातको समयमा बाढी पहिरोको आकलन गर्न कठिन हुने भएकाले सावधानी अपनाउन अनुरोध गरेको हो ।

विभागका अनुसार ताप्लेजुङ, पाँचथर, संखुवासभा, तेह्रथुम, रसुवा, सिन्धुपाल्चोक, चितवन, दोलखा, धादिङ, नुवाकोट उच्च जोखमको सूचीमा छन् ।

त्यस्तै म्याग्दी, बागलुङ, कास्की, पर्वत, स्याङ्जा, तनहुँ, पूर्वी नवलपरासी, लमजुङ र गोखरामा पनि उच्च जोखममा रहेको विभागले जनाएको छ ।

कपिलवुस्त, रुपन्देही, पाल्पा, गुल्मी, दाङ, बाँके, बर्दिया, प्युठान, अर्घाखाँची, रुकुम पश्चिम, कैलाली, कञ्चनपुर, डडेलधुरा, डोटी र बैतडी उच्च जोखिममा छन् ।

बाढीको समयमा दाउरा निकाल्न तथा माछा मार्नको लागि नदीमा नजान पनि प्राधिकरणले आग्रह गरेको छ ।

अति भारी वर्षाबाट ३४ जिल्ला उच्च जोखिममा रहेको जल तथा मौसम विज्ञान विभागले जनाएको छ ।

प्रकाशित मिति: मंगलबार, साउन २२, २०८१

प्रतिक्रिया दिनुहोस्