सबै कुरा

डेडिकेटेड ट्रंकलाइनको बिलले प्राधिकरण नाफामा गएको होइनः कुलमान घिसिङ

सिधाकुरा

शुक्रबार, साउन २५, २०८१

काठमाडौँ । नेपाल बिद्युत प्रधिकरणका कार्यकारी निर्देशक कुलमान घिसिङले प्राधिकरणको नाफा कागजमा मात्रै भएको भन्ने आरोपको खण्डन गरेका छन् । शुक्रबार उनले दोस्रो कार्यकाल सम्हालेको ३ वर्ष पुरा भएको अवसरमा आयोजित पत्रकार सम्मेलेनका क्रममा उनले प्राधिकरणको नाफाबारे बताएका हुन् ।

Watch On

‘आर्थिक वर्ष २०७२/७३ मा अर्ब ८९ करोड नोक्सानीमा रहेको प्रधिकरणले त्यसयता ति दिन फर्केर हेर्नुपरेको छैन ।’ उनले भने, ‘आर्थिक वर्ष २०७३/७४ मा १ अर्ब ५० करोड खुद नाफा कमाउँदै आएको छ ।’

उनका अनुसार गत आर्थिक वर्षमा प्राधिकरणको नाफा १३ अर्ब ३१ करोड पुगेको छ । ८ वर्षअघि ३४ अर्ब ६१ करोड रुपैयाँ सञ्चित घटामा रहेको प्राधिकरण अहिले ४७ अर्ब ४१ करोड रुपैयाँ नाफामा पुगेको छ ।

उनले धेरै ठाउँमा विद्युत प्रधिकरणको नाफा कागजी नाफा भएको भन्दै भ्रम छर्ने कार्य भएको भन्दै त्यस्तो नभएको उल्लेख गरे । ‘डेडिकेटेड ट्रंकलाइनको विद्युतकाे महसुलको बिल गरेर नाफ देखायो भन्ने गरिएको छ । प्रधिकरणले विगत ८ वर्षमा ३५ अर्बको संचित घाटालाई पूर्ति गरेर ४७ अर्ब रुपैयाँ नाफामा पुर्याउँदाखेरी करिब ८२ अर्बको नाफा देखिएको छ । ८२ अर्बको नाफा त्यत्तिकै भएको छैन । त्यो नाफा डेडिकेटेड ट्रंकलाइनको बिलले भएको होइन् ।’

प्रकाशित मिति: शुक्रबार, साउन २५, २०८१

प्रतिक्रिया दिनुहोस्