सबै कुरा

एक वर्षमा विद्युत निर्यात गरेर १७ अर्ब ७ करोड आम्दानी, १३ करोड खुद नाफा

सिधाकुरा

शुक्रबार, साउन २५, २०८१

एक वर्षमा विद्युत निर्यात गरेर १७ अर्ब ७ करोड आम्दानी, १३ करोड खुद नाफा

काठमाडाैँ । नेपाल विद्युत प्राधिकरणका कार्यकारी निर्देशक कुलमान घिसिङले आफ्नो दोस्रो कार्यकाल सुरु भएपछि औपचारिक रुपमा विद्युतको निर्यात सुरु भएको बताएका छन् । शुक्रबार आफ्नो दोस्रो कार्यकालको तेस्रो वार्षिकोत्सवका अवसरमा प्राधिकरणको उपलब्धि सुनाउँदै उनले अघिल्लो आर्थिक वर्ष अर्थात २०८०/८१ मा विद्युत बेचेर करिब १३ करोड नाफा भएको तथ्यांक सार्वजनिक गरेका छन् ।

Watch On

नेपालले वर्खायाममा विद्युत निर्यात गर्ने र सुख्खायाममा आयात गर्ने गरेको बताउँदै उनले सो तथ्यांक सार्वजनिक गरेका हुन् । ‘मेरो दोस्रो कार्यकाल सुरु भएपछि विद्युतको आौपचारिक निर्यात सुरु भएको हो । निर्यातको मात्रा बढ्दै गएर गत आर्थिक वर्षमा १ अर्ब ९४ करोड युनिट विद्युत निर्यात गरि १७ अर्ब ७ करोड रुपैँया आम्दानी भएको छ । वर्खायाममा दैनिक ७ सय मेटावाट भन्दा बढी विद्युत निर्यात भइरहेको छ ।’

त्यस्तै उनले गत आर्थिक वर्षमा सुख्खायाममा नेपालले सोह्र अर्ब ९१ करोड रुपैँया बराबरको विद्युत आयात भएको बताएका छन् । ‘सुख्खायाममा नदीमा पानीको बहाव घट्ने हुँदा विद्युतको माग धान्न गाह्रो छ । तसर्थ गत आर्थिक वर्षमा भारतबाट एक अर्ब ९१ करोड युनिट अर्थात सोह्र अर्ब ९३ करोड रुपैँया बराबरको विद्युत आयात भएको छ ।’