सबै कुरा

मन्कीपक्स फैलिएपछि डब्ल्यूएचओले गर्याे विश्वव्यापी स्वास्थ्य आपत्काल घोषणा

सिधाकुरा

बिहीबार, साउन ३१, २०८१

मन्कीपक्स फैलिएपछि डब्ल्यूएचओले गर्याे विश्वव्यापी स्वास्थ्य आपत्काल घोषणा

काठमाडाैँ । विश्व स्वास्थ्य सङ्गठन (डब्ल्यूएचओ) ले अफ्रिकामा मन्कीपक्स (एमपक्स)का कारण विश्वव्यापी स्वास्थ्य आपत्काल घोषणा गरेको छ । अफ्रिकाका विभिन्न क्षेत्रामा मन्कीपक्स फैलिएपछि डब्लूएचओले विश्वव्यापी स्वास्थ्य आपत्काल घोषणा गरेको हो ।

Watch On

मन्कीपक्स (एमपक्स) वृद्धिलाई विश्वव्यापी जनस्वास्थ्य आपतकाल घोषणा गर्ने कि नगर्ने निर्णय गर्न बुधबार विज्ञहरूको बैठक गरेको थियो । सो बैठकले अफ्रिकाभित्र र देश बाहिर समेत सो रोग फैलिने सम्भावना रहेको भन्दै आपतकाल घोषणा गरेको हो ।

प्रकोप बढेसँगै अफ्रिकी सङ्घले आफ्नो क्षेत्रमा सार्वजनिक स्वास्थ्य आपतकालिन घोषणा गरेपछि १६ अन्तर्राष्ट्रिय विज्ञहरूको भेला भएको थियो ।

एमपक्स प्रजातान्त्रिक गणतन्त्र कङ्गोमा व्यापक फैलिएको छ, जहाँ पहिले मन्कीपक्स भनिने भाइरस पहिलो पटक सन् १९७० मा मानिसमा फेला परेको थियो । त्यहीबाट अन्य देशहरूमा फैलिएको छ ।

डब्लुएचओका प्रमुख टेड्रोस अधानोम गेब्रेयससले यस वर्ष कङ्गोमा हालसम्म १४ हजारभन्दा बढी एमपक्सका केसहरू र ५२४ जनाको मृत्यु भएको जनाएका छन् ।

साथै, यो रोगले ज्वरो, मांसपेशी दुख्ने र ठूलो फोका जस्तै छालाको घाउ निम्त्याउँछ ।

प्रकाशित मिति: बिहीबार, साउन ३१, २०८१

प्रतिक्रिया दिनुहोस्