काठमाडौँ । टिकटकमा एउटा सुगर ड्याडी नाम गरेको अकाउण्ट छ । ति अकाउण्ट चलाउने व्यक्ति सधैँ आफूलाई बुढो देखाउने एउटा नकाब लगाएर हिड्छन् । नाइट क्लवदेखि घरको बाथरुमसम्म पैसा उँडाएको भिडियो पोस्ट गर्छन् । युवतिहरुसँगको अर्धनग्न भिडियोहरु समेत पोस्ट गर्छन् । एक पीडितका अनुसार यी नकावधारी काठमाडौँको बुढानिलकण्ठका ३३ वर्षका आशिष देउला हुन् । यो नकावभित्र लुकेका देउला  यति क्रुर र निर्दयी छन् की जो कोहीलाई त्रसित बनाउँछ । 

देउलाले अरुलाई पाशविक पीडा दिएर त्यो मोमेन्टलाई इन्जोय गर्ने गरेको पीडित युवाहरुले बताएका छन् । उनले ढलानमा ड्रिल गर्ने मेसिन मान्छेको शरीरमा चलाउँथे, स्नुकर खेल्ने पाइप मलद्वारमा घुसाइदिन्थे, नाङ्गो शरीरमा रातो पारेर तताइएको आइरन डामीदिन्थे । उनले गरेको अपराधबारे सिधाकुराले यसअघि नै समाचार प्रकाशन गरिसकेको छ ।

नाइट क्लब छिरेका युवाहरुलाई बन्धक बनाएर पाशविक यातना

देउलाको पाशविक यातनाको शिकार बनेका पीडितहरुमध्येका एक कुलबहादुर (नाम परिवर्तन) ले देउला र उनको अपराधकर्मबारे विस्तृतमा कुरा गरेका छन् । उनले आशिष देउलासँगको आफ्नो भेट, देउलाले आफूमाथि गरेको अपराध, उनले अन्य व्यक्तिहरुमाथि गरेको शारीरिक अत्याचारबारे खुलाएका छ । यस्तो छ उनीसँग गरिएको कुराकानीको सम्पादित अंश ।

भदौ ७ गते मलाई मेरो साथीले मलाई पैसा लिन आइज भन्यो । म सानेपा पुगेँ । मलाई अली अगाडि जाम भनेको थियो साथीले, म जानै मानेको थिइनँ । उसले मेरो मामा उता हुनुहुन्छ, मामाले तलाई पैसा दिन्छ भन्यो । साथीलाई विश्वास गरेर हुन्छ नी त भनेर म गएँ । त्यो बेला एक÷दुई जना केटाहरु राखेको थियो । मलाई पहिल्यै शंका लागेको थियो । म उनीहरु भएको ठाउँका नगई बाटो क्रस गरेर जाँदा मलाई पछाडिबाट आएर सिभिलको प्रहरी भन्दै समातेर गाडीमा राख्यो । त्यसपछि मलाई उसको कोही आफन्तको घर लिएर गयो । रुममा लग्यो, झ्याल ढोका बन्द गरेर आइरन ततायो । मेरो लुगा च्यातचुत पारिदियो । 

म रुममा यताउता भागेँ, यताउता गरेँ । उसले मलाई समात्न नसकेर साथीहरु लगाएर समात्यो । मेरो हातखुट्टा समातेर भुईँमा लडायो । त्यो समयमा उसले मलाई विकल्प पनि दिएको थियो । उसले ड्रिल मेसिन निकाल्यो, मेसिन चलायो । उसले ड्रिल मेसिन हानम कि आइरनले पोलम् भनेर सोध्यो । मैले पोल्दा चाहीँ मरिन्न होला सोचर आइरन रोजेँ । मलाई उसले पटक पटक आइरनले नाङ्गो ढाडमा डाम्यो । 

उसले त्यो समयमा मलाई खानपर्ने औषधि दे, मैले औषधि खाएन भने यसलाई मार्दिन्छु भन्दै औषधि मागेको थियो । के औषधि हो चाहीँ मलाई थाहा छैन । त्यसको साथीहरुले औषधि ल्याएर दियो । धेरै थियो औषधि पनि । एकैचोटी ५/६ ओटै घ्पाप्प खायो । त्यसपछि मलाई आइरन डाम्न थाल्यो ।  

मैले उसलाई १/२ पटक क्लवमा भेटेको हो, ठमेलको सेटेन क्लवमा । त्यो भन्दा बाहेक बाहिर मैले एक पटक पनि भेटेको छैन । उ चाहीँ रेगुलर त्यो क्लवमा आउँदो रहेछ । हामी कहिलेकाहीँ जाँदा त्यहीँ भेटेको हो । त्यो बेला भाइ भन्ने, रक्सी खुवाउने, तलाई के खान मन छ भनेर सोध्ने, पैसाको धाक दिने, कति पेसा चाहियो भन्ने गर्थ्यो । अनी हामीभन्दा पहिले ने क्लवबाट निस्कन्थ्यो । अनी बाटोबाट समाएर अन्य साथीहरुलाई घरमा लैजाने गर्थ्यो । मलाई चाहीँ त्यसरी समाउन पाएको थिएन । 

मलाई खास अरुको कुरामा बिचमा तानिएको हो । मैले उसलाई नचिन्दा पनि चिनेकै जसरी बोल्न आउँथ्यो । साथीसँग पहिलेदेखि नै चिनजान रहेछ । मैले दाइ भनेर कुरा गर्थेँ । उसको नियत के हो मलाई थाहा थिएन । तर रुममा लिएर जाने, टर्चर दिने, आइरनले पोल्ने, ड्रिल मेसिन हान्दिने, सियो हातमा छिराईदिने । जे होस् धेरै जनालाई त्यस्तो गरेको रैछ मलाई मात्र होइन । के कारणले मलाई थाहा छैन । मलाई चाहीँ आइरनले पोल्ने, सियो औँलामा छेड्ने गर्यो । मलाई भाइहरुले भनेअनुसार उसले मलाई पहिल्यैदेखि खोजिरहेको थियो । तर मलाई समाउन चाहीँ सकेको थिएन । पछि मेरै साथीले पैसा लिन आइज भनेर समातेर लिएर गयो । 

मलाई यातना दिदा उ हाँसेर बस्थ्यो । यसलाई समा म यसलाई अझै पोल्छु भनेर साथीहरुलाई अराउँथ्यो । उसले रमाईलोको रुपमा लिएको थियो । अरु साथीहरु पनि हेरेर हाँसेर बसेका थिए । मेरो आफ्नै साथीले पनि मलाई हेरेर हाँस्यो । मैले त्यो समयमा केही गर्न पनि सकेको थिइन्, बोल्न नि सकेको थिइनँ । 

उसले मलाई त्यो समयमा प्रहरीमा गयो भने मेरो परिवारलाई मार्दिने धम्की पनि दिएको थियो । त्यही कराणले मैले केश हालेको थिइनँ । 

मलाई फसाउन चाहीँ साथीले नै फसाएको हो । तर पैसाकै लागि यस्तो गरेको जस्तो चाहीँ लाग्दैन । मलाई उसले रमाइलोको लागि पोलेको जस्तो लाग्छ । उ मलाई पोलेर मजा लिइरहेको थियो । हाँसिरहेको थियो । पैसाकै लागि हो जस्तो लाग्दैन । 

उसले मेरो एक जना चिनजानको भाइलाई लगेको रहेछ । उसलाई नी नाङ्गो पारेर पोल्ने, सियो गोप्ने गरेको रहेछ । त्यो भाइको खुट्टामा पोलेको छ । त्यो भाई १८/१९ वर्षको हो । उसले मलाई यसरी पोल्यो भनेर सुनाएको थियो । 

त्यो मान्छेले यस्तो गर्छ भन्ने पहिला केही थिएन । मलाई त्यसो गरेपछि साथीहरुसँग कुरा गर्दा भाइले मलाई सुनाएको हो । 

उ सधैँ बुढो मान्छेजस्तो देखिने मास्क लगाउँथ्यो । हामीलाई क्लवमा क्याप, मास्क लगाएर पस्न दिइदैन । तर उ सधैँ बुढो मान्छे देखिने मास्क लगाएर अनुहार छोपेर क्लवमा छिर्थ्यो । उसलाई कुनै रोकतोक हुन्नथ्यो । उ बाटोमा पनि मास्क लगाएरै हिँड्थ्यो । पालेर राखेको केटाहरु लिएर हिड्थ्यो । आफू बाहिर पनि कमै निस्कन्थ्यो । गाडीमै बस्थ्यो । निस्केको बेला मास्क लगाएरै निस्किन्थ्यो । 

परिवारमा उसको आमा छ, श्रीमती छ, भाई छ अनी दुई छोरा छन् । अहिलेको घरमा चाहीँ उ एक्लै बस्छ । पालेको केटाहरु राखेको छ । परिवार छुट्टै बस्छन् । घरचाहीँ बुढानिलकण्ठमा छ । उसको नाम चाहीँ आशिष देउला हो । बाँकी उसको बारेमा थाहा छैन । 

मैले ४/५ जनालाई त्यस्तो गरेको थाहा पाएको छु । मलाई भन्दा बेसी टर्चर देको भाईहरु पनि छ । ड्रिल मेसिन नै हान्देको छ । नछलेको भए त छिर्ने नै । उनीहरुले पनि भनेको थियो मलाई । स्नुकरको लौरो पछाडिबाट छिराईदिने अनी त्यसपछि सन्चो हाल्दिने । केटाहरुको संवेदनशिल भागमा पेन्चिसले च्याप्दिने । आँखामा सन्चो दल्दिने । त्यस्तो त्यस्तो गरेको छ ।

यो घटनाबारे मैले कसैलाई भन्न सकिन । मलाई धम्की दिएको थियो । तेरो परिवारलाई मारिदिन्छु भनेर धम्की दिएको थियो । त्यसैले कसैलाई भन्न सकिन । उसले मलाई पोलिदिएपछि करिब डेढ हप्ता घरमै बसिन । दिउँसो घर पुग्थेँ । अमालाई भेट्थे । खाना खान्थे अनि निस्कन्थेँ । ज्याकेट लगाएर घाउ छोपेर घर जान्थेँ । धेरै बेर नबसी काम छ भनेर निस्कन्थेँ । अहिले चाहीँ मैले सबैलाई भनेको छु । दाइहरुको साथ पाएपछि हिम्मत आएको छ । अनी प्रहरीको मा जाने हिम्मत आयो । 

उसले यस्तो गरेको हरेक मान्छेको भिडियो छ उ सँग । मलाई उसले एउटा भाइको आँखा निकालिदिएको भिडियो देखाएको थियो । पुरै आँखा नै बाहिर निकालिदिएको छ । त्यो भाइको आँखा नै छैन । उसले केस गरेको रहेछ । अनी तिनीहरुले उसलाई समातेर आँखा निकालेको रहेछ । मलाई उसैले भिडियो देखाएको भएर यति कुरा थाहा भएको हो । त्यो भिडियोमा देखेको भाइलाई चाहीँ मैले चिनेको छैन । 

उसले मलाई मसला, गोलभेडा पिस्ने ग्रयान्डर मेसिनमा एउटा केटीको हात घुसाईदिएको भिडियो पनि देखाएको थियो । त्यो भिडियोमा केटी मान्छेको अनुहार देखिएको थिएन । हात मेसिनमा छिराएको, घाउको, केटी मान्छे चिच्याएको देखिएको थियो । 

मलाई आइरनले पोल्दा धेरै चिच्याएको थिएँ । तर त्यो ठाउँमा तर कोही मान्छे आएनन् । त्यो घरमा डेरामा केही केटा मान्छेहरु बस्छन् । झ्याल, ढोका, पर्दा लगाएर मलाई त्यस्तो गरेको थियो । तर कोही आएनन् । 

मलाई उसले दिएको पीडा मैले मुखले भन्नै सक्दिन । मलाई जस्तो यातना दियो त्यसलाई पनि त्यस्तै सजाय हुनुपर्छ । उसलाई अहिले समाइसकेको छ । उसलाई उमेर कैदको सजाय होस् भन्ने चाहन्छु । त्यो कहिल्यै बाहिर आउन नपाओस् । मैले जस्तो अरुले भोग्न नपरोस् । 

नाइट क्लब छिरेका युवाहरुलाई बन्धक बनाएर पाशविक यातना