सबै कुरा

काठमाडौँ महानगरले साफ वुमन्स च्याम्पियनसिप फाइनलको लाइभ स्क्रिनिङ गर्ने

सिधाकुरा

बुधबार, कात्तिक १४, २०८१

काठमाडौँ महानगरले साफ वुमन्स च्याम्पियनसिप फाइनलको लाइभ स्क्रिनिङ गर्ने

काठमाडाैँ । काठमाडौँ महानगरपालिकाले बुधबार साँझ हुने साफ वुमन्स च्याम्पियनसिप फाइनलको लाइभ स्क्रिनिङ गर्ने भएको छ । महानगरले टुँडिखेल, चावहिल फुटबल ग्राउण्ड र सानो गौचरनमा खेलको लाइभ स्क्रिनिङ गर्ने भएको हो ।

साफ वुमन्स च्याम्पियनसिप (साउथ एशियन फुटबल फेडेरेसन वुमन्स कप) २०२४ को फाइनल खेलमा आज नेपाली महिला फुटबल टिमले बंगलादेशविरुद्ध प्रतिस्पर्धा गर्दैछ । सो खेलमा नेपाली टिमलाई हौसल प्रदान गर्न खेल स्क्रिनिङ गर्ने तयारी गरेको महानगरले जनाएको छ ।

‘यो खेल हेर्न धेरै दर्शकहरुलाई चाहना छ । तर, खेलमैदानमै पुगेर खेल हेर्ने अवसर सबैलाई प्राप्त हुन कठिन छ । यसकारण, हामीले खेलमैदानमा पुग्न नसक्ने तर खेल मैदान जत्तिकै उत्साहका साथ खेल अवलोकन गर्ने अवसरका लागि टुँडिखेल, चावहिलको फुटबल ग्राउण्ड र सानो गौचरन (हाँडीगाउँ)मा एलइडी स्क्रिनबाट फाइनल खेलको प्रत्यक्ष प्रसारण गर्ने व्यवस्था मिलाउँदैछौँ ।’, महानगरले जनाएको छ ।

खेलको प्रवर्धन, खेलाडी, प्रशिक्षक र व्यवस्थापकको प्रोत्साहनका लागि प्रदर्शन हुने प्रत्यक्ष प्रसारण खेल अवलोकनका गर्नका लागि फुटबल खेलप्रेमीलाई महानगरले अनुरोध गरेको छ ।

प्रकाशित मिति: बुधबार, कात्तिक १४, २०८१

प्रतिक्रिया दिनुहोस्