सबै कुरा

उदयपुरको कटारीमा प्रतिबन्धित लागू औषधसहित पाँच जना पक्राउ

सिधाकुरा

बिहीबार, पुस १८, २०८१

उदयपुरको कटारीमा प्रतिबन्धित लागू औषधसहित पाँच जना पक्राउ

उदयपुर । उदयपुर जिल्लाको कटारी नगरपालिकामा ठूलो मात्रामा प्रतिबन्धित लागू औषधसहित पाँच जनालाई प्रहरीले पक्राउ गरेको छ । ईलाका प्रहरी कार्यालय कटारीको टोलीले विशेष सूचनाको आधारमा पौष १६ गते छापा मारेर ६४७ ट्याबलेट लागू औषध, दुई थान मोटरसाइकल, छ थान मोबाइल, र नगद ८ हजार रुपैयाँ बरामद गरेको हो ।

Watch On

पक्राउ पर्नेमा कटारी नगरपालिका वडा नं. ४ निवासी ३१ वर्षीय विनय सुनुवार, ३४ वर्षीय हरि कृष्ण राई, २६ वर्षीय करण लिम्बू, २२ वर्षीय विशाल तामाङ र २० वर्षीय बिकेश तामाङ छन्। उनीहरूको साथबाट TAPENTA ब्रान्डका २३४ ट्याबलेट र SPASPAIN ब्रान्डका ४१३ ट्याबलेट बरामद गरिएको डिएसपी कमल बजगाईंले जानकारी दिए।

प्रहरीका अनुसार, लागू औषध विनय सुनुवारको घरमा लुकाइएको अवस्थामा फेला परेको हो । लागू औषध कारोबारीहरूमाथि थप अनुसन्धानका लागि जिल्ला अदालतबाट १० दिनको म्याद थप गरिएको छ ।

यस घटनाले लागू औषधको अवैध कारोबारविरुद्ध प्रहरीको सक्रियता देखाएको छ । डिएसपी बजगाईंका अनुसार कटारी प्रहरीले यस किसिमका गैरकानुनी गतिविधिलाई रोक्न कडा निगरानी र कारबाहीलाई प्राथमिकतामा राखेको छ।

प्रहरीले अवैध लागू औषध कारोबारविरुद्धको अभियानलाई निरन्तरता दिने डिएसपी बजगाईंले बताए ।

प्रकाशित मिति: बिहीबार, पुस १८, २०८१

प्रतिक्रिया दिनुहोस्