अपराध

श्रीकृष्ण विक मृत्यु प्रकरणः निष्पक्ष छानबिनको माग गर्दै काठमाडौंमा विरोध प्रदर्शन

सिधाकुरा

आइतबार, वैशाख २०, २०८३

श्रीकृष्ण विक मृत्यु प्रकरणः निष्पक्ष छानबिनको माग गर्दै काठमाडौंमा विरोध प्रदर्शन

काठमाडौँ । सिन्धुलीस्थित इलाका प्रहरी कार्यालय खुर्कोटको हिरासतभित्र युवकको मृत्यु भएको घटनाको निष्पक्ष छानबिनको माग गर्दै काठमाडौंमा प्रदर्शन भएको छ ।

सुनकोशी गाउँपालिका– ३, जुम्लीडाँडाका २३ वर्षीय श्रीकृष्ण विकको प्रहरी हिरासतमा रहेका वेला गत ७ वैशाखमा मृत्यु भएको घटनाको निष्पक्ष छानबिनको माग गर्दै संयुक्त राजनीतिक दलित संघर्ष समितिले आइतबार काठमाडौंको माइतिघरमा विरोध प्रदर्शनसहित धर्ना दिएका हुन् । धर्नामा बिभिन्न राजनीतिक दलका सांसद र नेताहरु समेत सहभागी भएका छन् ।

Watch On

उनीहरुले दलित समूदायमाथि भैइरहेका छुवाछुट, बिभेद, बहिष्कार र दमन बन्द गर, प्रहरी हिरासतमा मारिएका सिन्धुलीका श्रीकृष्ण बिकलाई न्याय दे लगाएतका प्लेकार्ड प्रदर्शन गरेका थिए । खोटाङको एक बालिकासँग अन्तरजातीय प्रेमविवाह गरेपछि बालिकाको परिवारले जबरजस्ती करणीको मुद्दा दर्ता गराएपछि प्रहरीले पक्राउ गरेको थियो ।

श्रीकृष्णलाई बलात्कारको झुटा मुद्दा लगाएर फसाइएको र प्रहरी हिरासतभित्र भएको घटना स्वीकार गर्न नसकिने भन्दै पीडित परिवार र अधिकारकर्मी समेत आन्दोलनमा छन् । उनीहरुले घटनाको न्यायीक छानविनको माग गरेका छन् ।

प्रकाशित मिति: आइतबार, वैशाख २०, २०८३

प्रतिक्रिया दिनुहोस्