रवि फर्किएकै दिन भारत भ्रमण जाँदै छन् परराष्ट्र मन्त्री खनाल,महत्त्वपूर्ण सम्झौता हुन सक्ने!

काठमाडौँ । पाँच दिने भारत भ्रमणमा रहेको रास्वपा सभापति रवि लामिछाने भोली (शुक्रवार) स्वदेश फर्किदै छन् । 

रास्वपा सभापति रवि लामिछाने भारतबाट फर्किएकै दिन परराष्ट्र मन्त्री शिशिर खनाल भारत भ्रमणमा जाने तय भएको छ ।

Watch On

स्रोतका अनुसार जुन ५ अर्थात् शुक्रवार दिउँसो भारत प्रस्थान गर्ने छन् । मन्त्री खनालले जुन ६ मा समकक्ष एस जयशंकरसँग भेटवार्ता गर्ने छन् ।

रवि–मोदी ‘डिप्लोम्याटिक डिपार्चर’

किन जाँदै छन् ?
अहिले सभापति लामिछानेसँग भारत भ्रमणमा रहेको प्रभास विभाग प्रमुख तथा सांसद दीपक बोहोराका अनुसार परराष्ट्र मन्त्री खनालको भारत भ्रमणको क्रममा नेपाल–भारतबिच सरोकार र प्राथमिकतासँग सम्बन्धित समग्र विषयमा छलफल हुने छ । 

मङ्गलवार सभापति लामिछाने र भारतका प्रधानमन्त्री नरेन्द्र मोदीबिचकाे भेटवार्तामा भएका  छलफलका विषयहरूलाई नै परराष्ट्र मन्त्री खनालले औपचारिक प्रक्रिया मार्फत अघि बढाउने छन् । 

भारतमा रविलाई ‘रेड कार्पेट’

बोहोराका अनुसार सभापति लामिछानेले राखेको विकास कूटनीतिको प्रस्तावमा प्रधानमन्त्री मोदीले चेक लिस्ट बनाएर समयसीमा समेत तोकेर काम गर्न आफू इच्छुक रहेको बताएका थिए । 

सम्भवतः दुई देशको हितका लागि महत्त्वपूर्ण सम्झौता हुन सक्ने जनाइएको छ । 

प्रधानमन्त्री मोदीले पनि एक्समा नेपालीमै लेखेर साझा र समृद्ध भविष्यका लागि मिलेर काम गर्ने लामिछानेको चाहनामा पूर्णरुपमा सहमत भएको जानकारी दिएका थिए ।

लामिछानेले पनि मोदीसँग फलदायी संवाद भएको जानकारी फेसबुकमार्फत दिएका थिए । 

नरेन्द्र मोदीसँग रवि लामिछानेको एक घण्टा वार्ता, के भयो कुरा ?

मोदीलाई भेट्नु अघि मङ्गलवार लामिछानेले भारतीय विदेशमन्त्री एस जयशंकर, गृहमन्त्री अमित शाह तथा  भाजपा अध्यक्ष नीतिन नविन लगायतका नेताहरुसँग भेटवार्ता गरेका थिए । 

रवि लामिछानेको भारत भ्रमणः रवि–मोदी कूटनीति