मुख्य समाचार

प्रधानमन्त्री बालेनले धितोपत्र र बीमा क्षेत्रका सरोकारवालाहरूसँग छलफल गर्दै

सिधाकुरा

सोमबार, साउन ४, २०८३

प्रधानमन्त्री बालेनले धितोपत्र र बीमा क्षेत्रका सरोकारवालाहरूसँग छलफल गर्दै

फाइल तस्बिर ।

काठमाडौं । प्रधानमन्त्री वालेन्द्र शाहले सोमबार मध्याह्न बजे पुँजी बजार, धितोपत्र व्यवसाय तथा बीमा क्षेत्रका सरोकारवालाहरूसँग विशेष छलफल गर्न लागेका छन् ।

प्रधानमन्त्रीको सचिवालयले जानकारी दिएअनुसार प्रधानमन्त्री तथा मन्त्रिपरिषद्को कार्यालय, सिंहदरबारमा आयोजना हुने उक्त बैठकमा नेपाल धितोपत्र बोर्ड (सेबोन) का अध्यक्ष गोपाल भट्ट, नेपाल स्टक एक्स्चेन्ज (नेप्से) का अध्यक्ष अमृत लम्साल, स्टक ब्रोकर एशोसिएशन अफ नेपालका अध्यक्ष सागर ढकाललाई बोलाइएको छ ।

Watch On

यस्तै नासा सेक्युरिटिजका सन्दीप जलान, नेप्सेका पूर्व प्रमुख कार्यकारी अधिकृत सीताराम थपलिया, नेपाल लाइफ इन्स्योरेन्सका प्रमुख नवराज सिलवाल र नागरिक स्टक डिलर कम्पनी लिमिटेडका प्रमुख कार्यकारी अधिकृत महेश्वर लाल श्रेष्ठ सहभागी हुनेछन् । प्रिया राज रेग्मी र अम्बिका प्रसाद पौडेल पनि बैठकमा सहभागी हुने कार्यक्रम रहेको प्रधानमन्त्रीको सचिवालयको भनाइ छ ।

बैठकमा पुँजी बजारको वर्तमान अवस्था, धितोपत्र व्यवसाय तथा बीमा क्षेत्रको सुदृढीकरण, नीतिगत सुधारका प्रयासहरू र समग्र राष्ट्रिय अर्थतन्त्रका विभिन्न समसामयिक विषयहरूमा केन्द्रित रहेर सरोकारवालाहरूसँग छलफल हुनेछ ।

प्रकाशित मिति: सोमबार, साउन ४, २०८३

प्रतिक्रिया दिनुहोस्