प्रधानमन्त्री बालेन र हस्तकला व्यवसायीबीच के भयो छलफल ?

काठाडौँ । प्रधानमन्त्री बालेन शाहले नेपालको हस्तकला क्षेत्रको प्रबर्धन र विस्तारमा सरकारले विशेष ध्यान दिने बताएका छन् ।

सिंहदरबारमा आज नेपाल हस्तकला महासंघका प्रतिनिधिहरुसँग छलफल गर्दै नेपालको प्रधानमन्त्री बालेनले हस्तकला मुलुककै पहिचानको क्षेत्र भएकाले यसको प्रबर्धन र विस्तारमा सरकारले विशेष ध्यान दिने बताएका हुन् ।

Watch On

उनले सातै प्रदेशमा हस्तकलाग्राम स्थापना गरेर रोजगारी सिर्जना गर्न महासंघ र सम्बन्धित निकायसँग सहकार्य गर्ने पनि बताए । साथै प्रधानमन्त्री शाहले देशको हस्तकलामार्फत देशको पहिचान र निर्यातमार्फत राजस्व वृद्धि गर्ने सरकारको लक्ष्य रहेको समेत बताएको छलफलमा सहभागी नेपाल हस्तकला महासंघका अध्यक्ष रवीन्द्र शाक्यले जानकारी दिए ।

आफुहरुले विगत १५ वर्षदेखि मनाइँदै आएको हस्तकला दिवसलाई राष्ट्रियकरण गर्न प्रस्ताव गरेकोमा सम्बन्धित निकायमार्फत निर्णय गर्ने प्रतिबद्धता समेत आएको अध्यक्ष शाक्यले बताए ।

त्यसैगरी विगत केही वर्षदेखि रोकिएर रहेको ‘सार्क हस्तकला विकास केन्द्र’ लाई यथाशीघ्र सम्बन्धित निकायहरूसँग समन्वय गरी सञ्चालनमा ल्याउने लगायतका विषयमा पनि छलफल भएको अध्यक्ष शाक्यले जानकारी दिए ।

छलफलमा महासंघका अध्यक्ष शाक्य, वरिष्ठ उपाध्यक्ष राजमान बज्राचार्य, उपाध्यक्ष किरणकुमार स्थापित लगायत व्यवसायी तथा निर्यातकर्ताहरुको सहभागिता थियो ।